ગૌહાટી, 29 ઓગસ્ટ (હિ.સ.). કેન્દ્રીય ગૃહમંત્રી અમિત શાહે કહ્યું કે, રાહુલ ગાંધીએ દેશના લોકો, વડા પ્રધાન મોદીની માતા માટે અપશબ્દોનો ઉપયોગ કરવા બદલ, વડા પ્રધાન મોદી અને તેમની માતા પાસે માફી માંગવી જોઈએ. તેમણે કહ્યું કે, આવા અપશબ્દોનો ઉપયોગ કરીને રાહુલ ગાંધી દેશના જાહેર જીવનને નુકસાન પહોંચાડી રહ્યા છે. દેશના લોકો આ ક્યારેય સહન કરશે નહીં.

કેન્દ્રીય ગૃહમંત્રી અમિત શાહ, શુક્રવારે રાજધાની ગૌહાટીના ખાનપરામાં વેટરનરી કોલેજ સ્પોર્ટ્સ ગ્રાઉન્ડ ખાતે આયોજિત પંચાયત પ્રતિનિધિઓના સંમેલનને સંબોધિત કરી રહ્યા હતા.

અમિત શાહે કહ્યું કે, બિહારમાં રાહુલ ગાંધીના મંચ પર વડા પ્રધાન નરેન્દ્ર મોદીની માતા માટે જે રીતે અપશબ્દોનો ઉપયોગ કરવામાં આવ્યો તે અત્યંત શરમજનક છે. તેમણે કહ્યું કે, દેશના લોકો નરેન્દ્ર મોદી જેવા વિશ્વ નેતાને ઉછેરનાર માતા માટે અપશબ્દોનો ઉપયોગ માફ નહીં કરે. તેમણે કહ્યું કે કોંગ્રેસના નેતાઓ વડા પ્રધાન માટે જેટલા વધુ અપશબ્દોનો ઉપયોગ કરશે, તેટલું મોટું કમળ ખીલશે.

ગૃહમંત્રી શાહે કહ્યું કે, સોનિયા ગાંધી, રાહુલ ગાંધી, દિગ્વિજય સિંહ, રેણુકા ચૌધરી જેવા કોંગ્રેસના નેતાઓ હંમેશા નરેન્દ્ર મોદી માટે અપશબ્દોનો ઉપયોગ કરે છે. નરેન્દ્ર મોદી જ્યારથી ગુજરાતના મુખ્યમંત્રી બન્યા છે ત્યારથી કોંગ્રેસના નેતાઓ તેમના માટે અપશબ્દોનો ઉપયોગ કરે છે, મૌત કા સૌદાગર, રાક્ષસ, વાયરસ, ચોર, અપ્રમાણિકથી લઈને બીજા ઘણા શબ્દોનો. કોંગ્રેસના નેતાઓ જે પ્રકારની સસ્તી ભાષાનો ઉપયોગ કરી રહ્યા છે તેનાથી તેમને આ દેશમાં ક્યારેય મત નહીં મળે.

ગૃહમંત્રીએ, કેન્દ્ર અને રાજ્ય સરકાર દ્વારા જન કલ્યાણ માટે કરવામાં આવી રહેલા અનેક કાર્યોની ચર્ચા કરી. પોતાના સંબોધનમાં તેમણે કહ્યું કે, આસામના મુખ્યમંત્રી રાજ્ય અને તેના લોકો માટે દિવસ-રાત કેવી રીતે કામ કરી રહ્યા છે. ગૃહમંત્રીએ સરકાર દ્વારા ચલાવવામાં આવી રહેલા અતિક્રમણ વિરોધી અભિયાનની સિદ્ધિઓની પણ ચર્ચા કરી. આ ઉપરાંત, તેમણે અન્ય ઘણા પાસાઓ પર પ્રકાશ પાડ્યો.

હિન્દુસ્થાન સમાચાર / શ્રીપ્રકાશ / અરવિંદ રાય / અમરેશ દ્વિવેદી

હિન્દુસ્થાન સમાચાર / ડો.હિતેશ એન.વ્યાસ