મહેસાણા, 31 ઓગસ્ટ (હિ.સ.) : મહેસાણા ખાતે ચોરાસી કડવા પાટીદાર સમાજ પ્રગતિ મંડળ દ્વારા 34મો બ્લડ ડોનેશન કેમ્પ ભવ્ય રીતે યોજાયો હતો. આ પ્રસંગે સમાજના હોદ્દેદારો, યુવાનો, મહિલાઓ તથા અનેક સભાસદો ઉપસ્થિત રહ્યા હતા. કેમ્પનું મુખ્ય ધ્યેય સમાજસેવાના મૂલ્યોને આગળ વધારવું અને જરૂરિયાતમંદ દર્દીઓને સમયસર રક્ત મળી રહે તે સુનિશ્ચિત કરવું હતું.

કેમ્પમાં નાગરિકો તેમજ યુવાનો મોટી સંખ્યામાં જોડાઈ રક્તદાન કર્યું હતું. દરેક દાતાને પ્રમાણપત્ર આપીને તેમનો માન–સન્માન કરવામાં આવ્યો હતો. રક્તદાન કરતાં પહેલાં તબીબી નિષ્ણાતો દ્વારા દાતાની તંદુરસ્તીની તપાસ કરવામાં આવી અને સુરક્ષિત રીતે રક્તદાન પ્રક્રિયા પૂર્ણ કરવામાં આવી.

આ પ્રસંગે ઉપસ્થિત રહી સૌ રક્તદાતાઓને પ્રોત્સાહિત કરવામાં આવ્યા અને સમાજના આ માનવતાભર્યા પ્રયાસોની પ્રશંસા કરવામાં આવી. હોદ્દેદારોએ જણાવ્યું કે રક્તદાન એ સર્વોત્તમ દાન છે, જેનાથી અનેક જીવનો બચાવી શકાય છે. યુવાનોમાં આવી સેવા ભાવનાને સતત જાગૃત રાખવાનો સંકલ્પ વ્યક્ત કર્યો હતો.મહેસાણા ખાતે યોજાયેલ 34મો બ્લડ ડોનેશન કેમ્પ માત્ર સેવા નહીં પરંતુ સમાજના એકતાના ઉત્તમ પ્રતિક રૂપે સાબિત થયો.

---------------

હિન્દુસ્થાન સમાચાર / RINKU AMITKUMAR THAKOR