પટણા, નવી દિલ્હી, 04 ઓગસ્ટ (હિ.સ.). રવિવારે મોડી રાત્રે બિહારના ભાગલપુર જિલ્લામાં બેલથ મહતો સ્થાનથી લગભગ અડધા કિલોમીટર દૂર એક પિકઅપ વાન વરસાદી નદીમાં પડી જતાં પાંચ કાવડીયાઓના મોત થયા.

પોલીસના જણાવ્યા અનુસાર, રવિવારે રાત્રે લગભગ 11 વાગ્યાના સુમારે, 12 યુવાનોનું એક જૂથ, સોમવારે પાણી ચઢાવવા માટે ગંગા નદીમાં જળ લેવા સુલતાનગંજ જઈ રહ્યું હતું, જેમાં નાચતા-ગાતા પીકઅપ વાહન પર ડીજે અને જનરેટર લગાવવામાં આવ્યું હતું. રાત્રિના સમયે અને ડીજેના અવાજને કારણે, ડ્રાઇવરે વાહન પરનો કાબુ ગુમાવ્યો. આ કારણે, વાહન શાહકુંડ-સુલતાનગંજ મુખ્ય માર્ગ પર મહતો સ્થાનથી આગળ નદીમાં પડી ગયું. આ ઘટનામાં કેટલાક યુવાનોએ કોઈક રીતે પોતાનો જીવ બચાવ્યો પરંતુ 5 લોકોના મોત થયા. બધા મૃતકો શાહકુંડના હોવાનું કહેવાય છે. તેમની ઓળખ સંતોષ કુમાર, મનોજ કુમાર, વિક્રમ કુમાર, અંકુશ કુમાર અને મુન્ના કુમાર તરીકે થઈ છે.

મુખ્યમંત્રીએ શોક વ્યક્ત કર્યો

મુખ્યમંત્રી નીતિશ કુમારે અકસ્માતમાં 05 કાવડીયાઓના મોત પર શોક વ્યક્ત કર્યો છે. મુખ્યમંત્રીએ કહ્યું કે, આ અકસ્માત ખૂબ જ દુઃખદ છે. મુખ્યમંત્રીએ આ અકસ્માતમાં ઘાયલ થયેલા લોકોના ઝડપથી સ્વસ્થ થવાની કામના કરી છે.

મુખ્યમંત્રીએ ભગવાનને દિવંગત આત્માની શાશ્વત શાંતિ અને તેમના પરિવારના સભ્યોને આ દુઃખની ઘડીમાં દુઃખ સહન કરવાની શક્તિ આપે તેવી પ્રાર્થના કરી છે.

હિન્દુસ્થાન સમાચાર / ગોવિંદ ચૌધરી / વીરેન્દ્ર સિંહ

હિન્દુસ્થાન સમાચાર / માધવી વ્યાસ