લોસ એન્જલસ, નવી દિલ્હી, 04 ઓગસ્ટ (હિ.સ.). હોલીવુડ અભિનેત્રી લોની એન્ડરસનનું 79 વર્ષની વયે લાંબી બીમારી બાદ અવસાન થયું. તેમણે લોસ એન્જલસની એક હોસ્પિટલમાં અંતિમ શ્વાસ લીધા. તેમની સૌથી યાદગાર ફિલ્મ ડબ્લ્યુકેઆરપી ઇન સિનસિનાટી છે. આ કોમેડી ફિલ્મમાં રિસેપ્શનિસ્ટ જેનિફર માર્લોની ભૂમિકા ભજવીને તેમણે ચાહકો અને ફિલ્મ નિષ્ણાતોનું ધ્યાન ખેંચ્યું હતું.

ફોક્સ ન્યૂઝ ચેનલ અનુસાર તેમના ભૂતપૂર્વ પબ્લિસિસ્ટ ચેરીલ જે. કાગને, અભિનેત્રી લોની એન્ડરસનને તેમના મૃત્યુની પુષ્ટિ કરીને શ્રદ્ધાંજલિ આપી છે. એન્ડરસનના પરિવારે નિવેદનમાં જણાવ્યું હતું કે, અમને અમારી પ્રિય પત્ની, માતા અને દાદીના અવસાનની જાહેરાત કરતાં દુઃખ થાય છે. તેમણે ચાર દાયકાથી વધુ સમય સુધી ઘણા ટીવી શોમાં અભિનય કર્યો હતો, જેમાં સ્વાટ., થ્રી ઓન અ ડેટ, થ્રી'જ કંપની, ધ ઈનક્રેડિબલ હલ્ક, ધ લવ બોટ અને ધ બોબ ન્યુહાર્ટ શોનો સમાવેશ થાય છે.

સેન્ટ પોલ, મિનેસોટામાં ઉછરેલા, એન્ડરસનની સૌથી મોટી ઈચ્છા અભિનેત્રી બનવાની હતી. એન્ડરસન 1975માં લોસ એન્જલસ ગયા અને ટૂંક સમયમાં જ ઉદ્યોગમાં પોતાની ઓળખ બનાવી. તેણીએ 1978માં એક લોકપ્રિય ટીવી શોમાં સેક્સ સિમ્બોલ તરીકે પોતાની ઓળખ બનાવી. તેણીએ 2021માં કહ્યું હતું કે, મને યાદ છે કે તે દિવસોમાં આપણે બધા પોસ્ટર બનાવતા હતા. બધા મને હંમેશા પૂછતા હતા, 'તમે પોસ્ટર કેમ બનાવ્યું?' હું કહેતી હતી, કારણ કે કોઈ દિવસ મારા પૌત્રો તેને જોશે. અને હું તેમને કહી શકીશ કે હું ખરેખર આવી જ દેખાતી હતી.

1982માં, તેણીએ તેના ભવિષ્યના પતિ બર્ટ રેનોલ્ડ્સ સાથે સ્ટ્રોકર એસ નામની ફીચર ફિલ્મમાં સહ-અભિનય કર્યો હતો. લોની અને બર્ટ એ, ઓગસ્ટ 1988માં તેમના પુત્ર, ક્વિન્ટન એન્ડરસન રેનોલ્ડ્સને દત્તક લીધો હતો. 2018માં બર્ટ રેનોલ્ડ્સનું હૃદયરોગના હુમલાથી અવસાન થયું. ટીવી અને ફિલ્મ ઉપરાંત, એન્ડરસન મ્યુઝિકલ થિયેટર સમુદાયના એક અગ્રણી સભ્ય હતા.

મીડિયા ફોરના પ્રમુખ સ્ટીવ સોયરે કહ્યું, તે એક મહાન કાર્યકારી માતા હતી. પરિવાર સર્વોપરી હતો. તેણીએ પોતાની કારકિર્દી સાથે ખૂબ જ સંતુલન જાળવી રાખ્યું, તેમની ખોટ સાલશે. 17 મે, 2008ના રોજ, એન્ડરસને 1960ના દાયકાના લોક જૂથ ધ બ્રધર્સ ફોરના સ્થાપક સભ્ય બોબ ફ્લિક સાથે લગ્ન કર્યા.

એન્ડરસનના પરિવારમાં તેના પતિ, પુત્રી ડેઈડ્રા અને જમાઈ ચાર્લી હોફમેન, પુત્ર ક્વિન્ટન એન્ડરસન રેનોલ્ડ્સ, પૌત્રો મેકેન્ઝી અને મેગન હોફમેન, સાવકા પુત્ર એડમ ફ્લિક અને તેની પત્ની હેલન, સાવકા પૌત્રો ફેલિક્સ અને મેક્સિમિલિયન છે. પરિવારે કહ્યું કે, હોલીવુડ ફોરએવર કબ્રસ્તાનમાં એક ખાનગી પારિવારિક પ્રાર્થના સેવા યોજાશે.

હિન્દુસ્થાન સમાચાર / મુકુંદ

હિન્દુસ્થાન સમાચાર / ડો.હિતેશ એન.વ્યાસ