નવી દિલ્હી, 4 ઓગસ્ટ (હિ.સ.). ઝારખંડના ભૂતપૂર્વ મુખ્યમંત્રી અને રાજ્યસભાના સાંસદ શિબુ સોરેનનું સોમવારે સવારે અવસાન થયું. તેમના નિધન પર સોમવારે રાજ્યસભામાં બે મિનિટનું મૌન પાળવામાં આવ્યું અને તેમને શ્રદ્ધાંજલિ આપવામાં આવી. ત્યારબાદ ગૃહની કાર્યવાહી મંગળવાર સુધી મુલતવી રાખવામાં આવી.

સોમવારે રાજ્યસભાની કાર્યવાહી શરૂ કરતા ઉપાધ્યક્ષ હરિવંશે શિબુ સોરેનને શ્રદ્ધાંજલિ આપી અને બે મિનિટનું મૌન પાળવામાં આવ્યું.

ઉલ્લેખનીય છે કે, શિબુ સોરેનનો જન્મ 11 જાન્યુઆરી, 1944 ના રોજ રામગઢ નજીકના નેમરા ગામમાં થયો હતો. તેમના પિતા સોબરન માંઝી વ્યવસાયે શિક્ષક હતા. સોબરનની ગણતરી આસપાસના વિસ્તારના સૌથી શિક્ષિત આદિવાસી વ્યક્તિ તરીકે થતી હતી. લોકસભા ચૂંટણી જીત્યા બાદ શિબુ સોરેને દુમકાથી ચૂંટણી જીતવાનો રેકોર્ડ બનાવ્યો. શિબુ સોરેન 1980, 1989, 1991, 1996, 2002, 2004, 2009 અને 2014 માં દુમકા લોકસભા બેઠક પરથી ચૂંટણી જીત્યા હતા.

આ ઉપરાંત, તેઓ ત્રણ વખત રાજ્યસભામાં પણ ચૂંટાયા હતા. તેઓ કેન્દ્ર સરકારમાં મંત્રી પણ હતા. 2 માર્ચ 2005ના રોજ, શિબુ સોરેન પહેલી વાર ઝારખંડના મુખ્યમંત્રી બન્યા, પરંતુ 11 માર્ચ 2005ના રોજ તેમણે રાજીનામું આપવું પડ્યું.

હિન્દુસ્થાન સમાચાર / વિજયાલક્ષ્મી / વીરેન્દ્ર સિંહ

હિન્દુસ્થાન સમાચાર / માધવી વ્યાસ