કુલગામ, નવી દિલ્હી, 4 ઓગસ્ટ (હિ.સ.). દક્ષિણ કાશ્મીરના કુલગામ જિલ્લાના અખલ દેવસર વિસ્તારમાં સુરક્ષા દળોનું ઓપરેશન ચોથા દિવસે પણ ચાલુ છે. આ ઓપરેશનમાં અત્યાર સુધી એક આતંકવાદી માર્યો ગયો છે અને બે સૈનિકો ઘાયલ થયા હોવાના અહેવાલ છે.

ચિનાર કોર્પ્સે જણાવ્યું હતું કે, દક્ષિણ કાશ્મીરના કુલગામ જિલ્લાના અખલ વિસ્તારમાં શનિવારે રાતોરાત થયેલી એન્કાઉન્ટરમાં સુરક્ષા દળોએ એક આતંકવાદીને ઠાર માર્યો હતો. આ સંયુક્ત ઓપરેશન ભારતીય સેના, જમ્મુ અને કાશ્મીર પોલીસ, સીઆરપીએફ અને સ્પેશિયલ ઓપરેશન ગ્રુપ (એસઓજી) દ્વારા ચલાવવામાં આવી રહ્યું છે.

એક્સ પરની એક પોસ્ટમાં, ભારતીય સેનાના ચિનાર કોર્પ્સે જણાવ્યું હતું કે, કુલગામના ઓપરેશન અખાલમાં આખી રાત વચ્ચે-વચ્ચે અને ભીષણ ગોળીબાર ચાલુ રહ્યો. સતર્ક સૈનિકોએ ગોળીબાર સંતુલિત કર્યો અને સંપર્ક જાળવી રાખતા ઘેરાબંધીને મજબૂત બનાવી. સુરક્ષા દળોએ અત્યાર સુધીમાં એક આતંકવાદીને ઠાર માર્યો છે. ઓપરેશન ચાલુ છે.

હિન્દુસ્થાન સમાચાર / બલવાન સિંહ / વીરેન્દ્ર સિંહ

હિન્દુસ્થાન સમાચાર / માધવી વ્યાસ