નવી દિલ્હી, 7 ઓગસ્ટ (હિ.સ.) સંસદના ચોમાસા સત્રના સતત 14મા દિવસે, ગુરુવારે, લોકસભા અને રાજ્યસભામાં વિપક્ષના હોબાળાને કારણે, કામકાજ પ્રભાવિત થયું. બિહારમાં મતદાર યાદીના વિશેષ સઘન સુધારણા (એસઆઈઆર) પર ચર્ચાની માંગ પર વિપક્ષ અડગ રહ્યો. આ કારણે, ઘણી વખત વિક્ષેપ પડ્યા બાદ કાર્યવાહી દિવસભર માટે મુલતવી રાખવામાં આવી.

લોકસભામાં કાર્યવાહી પહેલા બપોરે 12 વાગ્યા સુધી અને પછી બપોરે 2 વાગ્યા સુધી મુલતવી રાખવામાં આવી. જ્યારે કાર્યવાહી 2 વાગ્યે શરૂ થઈ, ત્યારે સરકારે મણિપુર ગુડ્સ એન્ડ સર્વિસ ટેક્સ (સુધારા) બિલ, 2025 અને મણિપુર બજેટને હોબાળા વચ્ચે પસાર કર્યું. આ પછી, શુક્રવારે સવારે 11 વાગ્યા સુધી કાર્યવાહી સ્થગિત કરવામાં આવી. બીજી તરફ રાજ્યસભામાં સવારે હોબાળાને કારણે, કાર્યવાહી 2 વાગ્યા સુધી સ્થગિત કરવામાં આવી. જ્યારે કાર્યવાહી 2 વાગ્યે શરૂ થઈ, ત્યારે હોબાળા વચ્ચે ગૃહમાં કોસ્ટલ શિપિંગ બિલ, 2025 પસાર કરવામાં આવ્યું. બાદમાં કાર્યવાહી દિવસભર માટે મુલતવી રાખવામાં આવી.

હિન્દુસ્થાન સમાચાર / અનૂપ શર્મા / પવન કુમાર

હિન્દુસ્થાન સમાચાર / ડો.હિતેશ એન.વ્યાસ