મોડાસા, 7 ઓગસ્ટ (હિ.સ.) સાબરકાંઠા જિલ્લામાં નારી વંદન ઉત્સવ નિમિત્તે શ્રી ટી.એમ.શાહ મહિલા આર્ટસ કોલેજ, ઇડર ખાતે મહિલા કલ્યાણ દિવસની ઉજવણી કરવામાં આવી હતી. આ કાર્યક્રમમાં અંદાજીત 300 થી વધુ કોલેજની દિકરીઓ ઉપસ્થિત રહી હતી.

આ કાર્યક્રમમાં કોલેજની દિકરીઓ દ્વારા મહિલા સશક્તિકરણ અંગે વક્તવ્ય રજૂ કર્યા હતા. જિલ્લા શિક્ષણાધિકારી કચેરીના અધિકારીશ્રીમતી અલકાબેન નિનામા દ્વારા કાર્યક્રમનો ઉદ્દેશ્ય તથા રૂપરેખા તેમજ શિક્ષણ વિભાગની દિકરીઓ માટેની યોજનાઓ અંગે સમજ આપવામાં આવી હતી. ત્યારબાદ જિલ્લા બાળ કલ્યાણ અધિકારી ની કચેરીના દેવાંગભાઈ સુથાર દ્વારા મહિલા કલ્યાણ અંગેની યોજનાઓ તથા વિવિધ હેલ્પ લાઇન નંબરો અંગેની માહિતી આપવામા આવી હતી.આ કાર્યક્રમમા આઈ. ટી. આઈ. કોલેજ ઇડરના પ્રિસિપાલ,શ્રમ અને રોજગાર આયુક્તની કચેરી સાબરકાંઠાના ડૉ. નિકીતા સુતરિયા,સ્ટેટ બેંક ઓફ ઇંડિયા ઇડર બ્રાંચના હર્ષદિપસિંહ રાવ, સામુહિક આરોગ્ય કેંદ્ર ઇડરના ડૉ. કેયા પ્રજાપતિ, અભયમ મહિલા હેલ્પ લાઈનના રિમ્પલબેન ઉપસ્થિત રહી પોતાના વિભાગ કચેરી હેઠળ ચાલતી મહિલા કલ્યાણ અંગેની યોજનાઓ અંગેની વિસ્તૃત માહિતી પુરી પાડી હતી.

હિન્દુસ્થાન સમાચાર / મહેન્દ્રપ્રસાદ એચ.પટેલ