નવી દિલ્હી, 7 ઓગસ્ટ (હિ.સ.) યશ રાજ ફિલ્મ્સે, તેમની સ્પાય યુનિવર્સ ની બહુપ્રતિક્ષિત ફિલ્મ 'વોર 2' ના બહુપ્રતિક્ષિત ગીત 'જનાબ એ આલી' નો ફર્સ્ટ લુક રજૂ કર્યો છે. આ શક્તિશાળી ડાન્સ ટીઝરમાં બે શ્રેષ્ઠ કલાકારો, ઋત્વિક રોશન અને જુનિયર એનટીઆર, પહેલી વાર સાથે જોવા મળશે. આ એક એવી ડાન્સ સ્પર્ધા છે જેની દર્શકો રાહ જોઈ રહ્યા છે.

આ ગીત પ્રીતમે કમ્પોઝ કર્યું છે, જેને સચેત ટંડન અને સાજ ભટ્ટે ગાયું છે, અને અમિતાભ ભટ્ટાચાર્યે આ શક્તિશાળી ગીત લખ્યું છે. 'જનાબ એ આલી' એક હાઇ-ઓક્ટેન ડાન્સ એન્થમ બની રહ્યું છે, જે સ્ક્રીન પર હૃદયને ધમાકેદાર બનાવવા અને થિયેટરોમાં ઉત્સાહ વધારવાનું વચન આપે છે.

આદિત્ય ચોપરાએ નક્કી કર્યું છે કે, ફિલ્મની રિલીઝ પહેલા 'જનાબે આલી' ગીત ડિજિટલ પ્લેટફોર્મ પર સંપૂર્ણ રીતે રિલીઝ કરવામાં આવશે નહીં, જેથી દર્શકો મોટા પડદા પર સંપૂર્ણ ભવ્યતા સાથે ઋત્વિક અને એનટીઆર વચ્ચેના આ વિસ્ફોટક ડાન્સનો અનુભવ કરી શકે.

યશ રાજ ફિલ્મ્સનો ઇરાદો છે કે, આ ગીત 'કજરા રે' અને 'કમલી' ની જેમ થિયેટરોમાં પણ ધૂમ મચાવે અને દર્શકોને સિનેમા હોલ તરફ ખેંચે. આ ફિલ્મનું દિગ્દર્શન અયાન મુખર્જી દ્વારા કરવામાં આવ્યું છે અને કિયારા અડવાણી મુખ્ય ભૂમિકામાં જોવા મળશે. 'વોર 2', 14 ઓગસ્ટ, 2025 ના રોજ હિન્દી, તમિલ અને તેલુગુ ભાષાઓમાં સિનેમાઘરોમાં રિલીઝ થશે.

હિન્દુસ્થાન સમાચાર / લોકેશ ચંદ્ર દુબે / રામાનુજ શર્મા

હિન્દુસ્થાન સમાચાર / ડો.હિતેશ એન.વ્યાસ