નવી દિલ્હી, 16 સપ્ટેમ્બર (હિ.સ.) ભારત અને અમેરિકાના મુખ્ય વાટાઘાટકારોએ

મંગળવારે પ્રસ્તાવિત વેપાર કરાર પર વાટાઘાટો શરૂ કરી છે. નવી દિલ્હીમાં બંને દેશો

વચ્ચે છઠ્ઠા તબક્કાની વાટાઘાટોમાં, નિકાસકારો માટે ભારે ટેરિફ અનિશ્ચિતતા ઊભી કરતી સમસ્યાઓને

ધ્યાનમાં રાખીને મુદ્દાઓને ઉકેલવા માટે પ્રયાસો કરવામાં આવશે.

ભારત અને અમેરિકા વચ્ચે પ્રસ્તાવિત દ્વિપક્ષીય વેપાર

વાટાઘાટો (બીટીએ) માટે, દક્ષિણ અને મધ્ય

એશિયા માટે સહાયક યુએસ વેપાર પ્રતિનિધિ બ્રેન્ડન લિંચ યુએસ ટીમનું નેતૃત્વ કરી

રહ્યા છે, જ્યારે વાણિજ્ય

વિભાગમાં વિશેષ સચિવ રાજેશ અગ્રવાલ ભારતના મુખ્ય વાટાઘાટકાર છે. રાષ્ટ્રપતિ

ડોનાલ્ડ ટ્રમ્પના વલણમાં નરમાઈ વચ્ચે લિંચ સોમવારે મોડી રાત્રે એક દિવસીય વાટાઘાટો

માટે ભારત પહોંચ્યા હતા.

રશિયાથી ક્રૂડ ઓઇલ ખરીદવા માટે યુએસ બજારમાં પ્રવેશતા

ભારતીય માલ પર 25 ટકા ટેરિફ અને 25 ટકા વધારાનો દંડ

લાદ્યા પછી ઉચ્ચ કક્ષાના યુએસ વેપાર અધિકારીની આ પહેલી મુલાકાત છે.

હિન્દુસ્થાન સમાચાર / પ્રજેશ શંકર / સુનિત નિગમ

હિન્દુસ્થાન સમાચાર / માધવી વ્યાસ