મહેસાણા, 26 સપ્ટેમ્બર (હિ.સ.): મહેસાણા જિલ્લાના વિસનગર તાલુકા અંતર્ગત આવેલા ખંડોસણ ગામ ખાતે ખરવા મોવાસા રસીકરણ કામગીરીનું મોનીટરીંગ કરવામાં આવ્યું. સરકાર દ્વારા પશુપાલકોના પશુઓને રોગમુક્ત રાખવા માટે વિવિધ આરોગ્યલક્ષી અભિયાન હાથ ધરવામાં આવે છે. તે અંતર્ગત આ ગામમાં પશુઓને જરૂરી રસી આપવાની કામગીરી શરૂ કરવામાં આવી હતી.

મોનીટરીંગ દરમિયાન જિલ્લા પશુપાલન વિભાગના અધિકારીઓ, સ્થાનિક વેટરનરી ડોક્ટરો તેમજ તાલુકા સ્તરના સ્ટાફ ઉપસ્થિત રહ્યા હતા. કામગીરી દરમિયાન ગામના ખેડૂત અને પશુપાલકોને રસીકરણની મહત્વતા સમજાવવામાં આવી. ખાસ કરીને મોવાસા રોગથી પશુઓને થતા નુકસાન અને તેના નિવારણ માટે રસીકરણ એકમાત્ર અસરકારક પગલું હોવાનું અધિકારીઓએ જણાવ્યું.

રસીકરણ અભિયાનથી પશુધન સુરક્ષિત રહે છે, દૂધ ઉત્પાદન ક્ષમતા જળવાય છે અને ખેડૂતોને આર્થિક નુકસાનથી બચાવ મળે છે. મોનીટરીંગ ટીમે સ્થળ પર જ ખેડૂતોએ કરેલી રજૂઆતો સાંભળી અને જરૂરી માર્ગદર્શન પૂરું પાડ્યું. ગામના સક્રિય સહભાગી ખેડૂતોએ પણ જણાવ્યું કે સરકારના આવા પ્રયાસો તેમના પશુઓ માટે જીવદાયી સાબિત થાય છે. ખરવા મોવાસા રસીકરણ કામગીરી દરમ્યાન ગ્રામજનોને સમજાવવામાં આવ્યું કે તમામ પશુઓને સમયસર રસી અપાવવી જરૂરી છે. સાથે જ ગામના યુવાનોને અભિયાનમાં સ્વયંસેવક તરીકે જોડાવા પ્રોત્સાહિત કરવામાં આવ્યા હતા જેથી દરેક ઘર સુધી આ કામગીરી પહોંચે.

આ રીતે ખંડોસણ મુકામે થયેલા મોનીટરીંગથી અભિયાન વધુ સુવ્યવસ્થિત બન્યું છે. જિલ્લા સ્તરે સતત દેખરેખ અને માર્ગદર્શન મળતા ખેડૂતોમાં વિશ્વાસ પેદા થયો છે કે તેમના પશુઓ સુરક્ષિત રહેશે અને પશુપાલન વ્યવસાય વધુ સ્થિર બની શકશે.

---------------

હિન્દુસ્થાન સમાચાર / RINKU AMITKUMAR THAKOR