નવી દિલ્હી, 27 સપ્ટેમ્બર (હિ.સ.) હોમબાઉન્ડ, 26 સપ્ટેમ્બર, શુક્રવારના રોજ

વિશ્વભરમાં રિલીઝ થઈ હતી. જાહ્નવી કપૂર, ઇશાન ખટ્ટર અને વિશાલ જેઠવા અભિનીત આ ફિલ્મના પ્રથમ દિવસના

બોક્સ ઓફિસ કલેક્શનનો ખુલાસો થયો છે. ઓસ્કાર રેસ માટે ચોવીસ ભારતીય ફિલ્મોની

વિચારણા કરવામાં આવી હતી. આ યાદીમાં અભિષેક બચ્ચનની આઈ વોન્ટ ટુ ટોક, પુષ્પા 2, ધ બંગાળ

ફાઇલ્સ, જુગનુમા

અને ફૂલે જેવી ફિલ્મોનો સમાવેશ થાય છે. આમાંથી હોમબાઉન્ડ

પસંદ કરવામાં આવી હતી. નીરજ ઘાયવાન દ્વારા દિગ્દર્શિત, હોમબાઉન્ડ

એ રિલીઝના પહેલા દિવસે દેશભરમાં અડધા કરોડ રૂપિયાથી ઓછી કમાણી કરી હતી. આ ફિલ્મ

ઓસ્કારની શ્રેષ્ઠ આંતરરાષ્ટ્રીય ફીચર શ્રેણી માટે ભારતની સત્તાવાર એન્ટ્રી છે.

હોમબાઉન્ડનું પ્રથમ દિવસનું કલેક્શન

બોક્સ ઓફિસ ટ્રેકર સેકનિલ્ક અનુસાર, હોમબાઉન્ડ

એ ભારતમાં તેના પહેલા દિવસે આશરે ₹30 લાખની કમાણી કરી હતી. આ ફિલ્મનું ઓપનિંગ કલેક્શન ઈશાન

ખટ્ટરની ધડક કરતાં નોંધપાત્ર રીતે ઓછું હતું, જેણે પહેલા દિવસે

₹8.71 કરોડ કમાણી કરી હતી. દરમિયાન, ફોન ભૂત એ

પહેલા દિવસે ₹2.05 કરોડ કમાણી કરી

હતી, જ્યારે વિશાલ

જેઠવાની સલામ વેંકી એ ₹45 લાખની કમાણી કરી હતી.

હોમબાઉન્ડની સ્ટોરી

આ ફિલ્મ ઉત્તર ભારતના એક નાના ગામના બે બાળપણના મિત્રોની

વાર્તા કહે છે. બંને પોતાનું જીવન સુધારવા અને સામાજિક પ્રતિષ્ઠા સ્થાપિત કરવા

માટે પોલીસની નોકરી મેળવવાનું સ્વપ્ન ધરાવે છે. વર્ષોના સંઘર્ષ અને સખત મહેનત પછી, આ કામ તેમને

માત્ર રોજગાર જ નહીં પરંતુ માન અને ગૌરવ પણ લાવે છે. જાહ્નવી કપૂર અને ઈશાન ખટ્ટર

અભિનીત હોમબાઉન્ડ, ધર્મા પ્રોડક્શન્સના બેનર હેઠળ કરણ જોહર, આદર પૂનાવાલા, અપૂર્વ મહેતા અને

સોમેન મિશ્રા દ્વારા નિર્મિત છે. આ ફિલ્મનું નિર્દેશન નીરજ ઘાયવાન દ્વારા કરવામાં

આવ્યું છે.

હિન્દુસ્થાન સમાચાર / લોકેશ ચંદ્ર દુબે / રામાનુજ શર્મા

હિન્દુસ્થાન સમાચાર / ડો.હિતેશ એન.વ્યાસ