નવી દિલ્હી,29 સપ્ટેમ્બર (હિ.સ.) દિલ્હી ભારતીય જનતા પાર્ટી (ભાજપ) ને આજે રાષ્ટ્રીય રાજધાનીમાં તેનું નવું રાજ્ય કાર્યાલય મળશે. પ્રધાનમંત્રી નરેન્દ્ર મોદી આજે સાંજે તેનું ઉદ્ઘાટન કરશે. આ પ્રસંગે પાર્ટીના રાષ્ટ્રીય અધ્યક્ષ અને કેન્દ્રીય આરોગ્ય પ્રધાન જેપી નડ્ડા પણ હાજર રહેશે. ભાજપે તેના ઇન્સ્ટાગ્રામ હેન્ડલ પર આ માહિતી શેર કરી છે.

ભાજપના ઇન્સ્ટાગ્રામ પોસ્ટ મુજબ, રાજ્ય કાર્યાલય (5, દીનદયાળ ઉપાધ્યાય માર્ગ) તૈયાર છે. પ્રધાનમંત્રી મોદી સાંજે 5 વાગ્યે દિલ્હી રાજ્ય ભાજપ કાર્યાલયનું ઉદ્ઘાટન કરશે. નડ્ડા પણ આ કાર્યક્રમમાં ભાગ લેશે. દિલ્હી ભાજપના પ્રવક્તાના જણાવ્યા મુજબ, ઉદ્ઘાટન સમારોહ બપોરે 3 વાગ્યે પોકેટ 5, દીનદયાળ ઉપાધ્યાય માર્ગ ખાતે શરૂ થશે.

વડાપ્રધાન મોદી મુખ્ય અતિથિ હશે, નડ્ડા ખાસ અતિથિ હશે અને દિલ્હીના મુખ્યમંત્રી રેખા ગુપ્તા સન્માનિત મહેમાન હશે. ઉદ્ઘાટન સમારોહની અધ્યક્ષતા ભાજપ દિલ્હી પ્રદેશ પ્રમુખ વીરેન્દ્ર સચદેવ કરશે.

હિન્દુસ્થાન સમાચાર/મુકુંદ

હિન્દુસ્થાન સમાચાર / હર્ષ શાહ