મુંબઈ, નવી દિલ્હી,08 સપ્ટેમ્બર

(હિ.સ.) ભારતીય જનતા પાર્ટી (ભાજપ) ના રાષ્ટ્રીય પ્રવક્તા ઝફર ઇસ્લામે, સોમવારે

મુંબઈમાં જણાવ્યું હતું કે.” કેન્દ્ર સરકાર દ્વારા ગુડ્સ એન્ડ સર્વિસ ટેક્સ (જીએસટી) માં કરવામાં આવેલ

અત્યાર સુધીનો સૌથી મોટો સુધારો દેશના અર્થતંત્રને ઝડપથી વેગ આપશે.” તેમણે કહ્યું

કે,” જીએસટી દરમાં ઘટાડાથી દેશના વ્યાપાર ક્ષેત્રને ઘણો ફાયદો થશે, નવી નોકરીઓનું

સર્જન થશે અને સામાન્ય માણસ પરનો બોજ ઓછો થશે.” આ પ્રસંગે રાજ્યના મુખ્ય પ્રવક્તા

કેશવ ઉપાધ્યાય, મીડિયા વિભાગના

વડા નવનાથ બાન અને રાજ્ય પ્રવક્તા ઓમપ્રકાશ ચૌહાણ હાજર હતા.

ભાજપના રાષ્ટ્રીય પ્રવક્તા ઇસ્લામ સોમવારે ભાજપ રાજ્ય

કાર્યાલય, મુંબઈ ખાતે

આયોજિત પત્રકાર પરિષદને સંબોધિત કરી રહ્યા હતા. તેમણે કહ્યું કે,” 2014 માં જ્યારે

નરેન્દ્ર મોદી વડાપ્રધાન બન્યા ત્યારે યુપીએ સરકારની કૃપાથી

અર્થતંત્ર મંદીની ઝપેટમાં હતું, વિકાસના કોઈ સંકેતો નહોતા, નીતિગત લકવો, ભ્રષ્ટાચાર અને ફુગાવો આસમાને પહોંચી રહ્યો

હતો. કર વસૂલાતની પ્રક્રિયા જટિલ હતી અને પારદર્શક નહોતી. મોદી સરકારે આવી નબળી

અર્થવ્યવસ્થાને પુનર્જીવિત કરી. હવે ભારતીય અર્થતંત્ર વિશ્વની 'ટોચની પાંચ' અર્થવ્યવસ્થાઓમાંની

એક બની ગયું છે, આ મોદી સરકારની

સફળતા છે.”

તેમણે કહ્યું કે,” તાજેતરમાં લાગુ કરાયેલા જીએસટી સુધારાઓ

અર્થતંત્રને વધુ મજબૂતી આપશે. સામાન્ય માણસ અને મધ્યમ વર્ગ, તેમની મૂળભૂત

જરૂરિયાતો અને આકાંક્ષાઓ,

જીએસટી સુધારાઓનું મુખ્ય

કેન્દ્ર છે.” તેમણે કહ્યું કે,” જીએસટી દરોમાં છૂટછાટથી લાંબા ગાળે અર્થતંત્રને

ફાયદો થશે અને ફુગાવાને નિયંત્રિત કરવામાં પણ મદદ મળશે.” તેમણે કહ્યું કે,” જીએસટી

દરોમાં ઘટાડો દરેક રાજ્યના લોકોને ખૂબ ફાયદો કરાવશે, પછી ભલે ત્યાં કોઈ પણ સત્તામાં હોય, દરેક પરિવાર, ગરીબ અને મધ્યમ

વર્ગ, બધા

ઉદ્યોગસાહસિકો, નાના અને મોટા, દરેક વેપારી અને

ઉદ્યોગપતિ.”

હિન્દુસ્થાન સમાચાર / રાજ બહાદુર યાદવ / રામાનુજ શર્મા

હિન્દુસ્થાન સમાચાર / માધવી વ્યાસ