અમરેલી,12 જાન્યુઆરી (હિ.સ.) અમરેલીમાં મહિલાઓની સુરક્ષા માટે કડક કાર્યવાહી કરતા પોલીસ તંત્રને મોટી સફળતા મળી છે. મહિલા પોલીસ સ્ટેશનમાં નોંધાયેલા ગુનામાં છેલ્લા એક વર્ષથી નાસતા ફરતા લીસ્ટેડ આરોપી જયેશભાઈને પેરોલ–ફર્લો સ્ક્વોડ અમરેલી દ્વારા ઝડપી પાડવામાં આવ્યો છે.

પોલીસ સૂત્રો મુજબ, આરોપી લાંબા સમયથી સ્થળ બદલતો રહી પોલીસની પકડમાંથી બચતો હતો. પરંતુ પેરોલ–ફર્લો સ્ક્વોડે ગુપ્ત માહિતી અને ટેક્નિકલ તપાસના આધારે તેની હલચલ પર નજર રાખી અને સુચિત આયોજન સાથે કાર્યવાહી કરી આરોપીને ઝડપી પાડ્યો. ધરપકડ દરમિયાન કોઈ અનિચ્છનીય ઘટના બની ન હતી.આરોપીને પકડાયા બાદ જરૂરી કાયદેસરની કાર્યવાહી હાથ ધરવામાં આવી છે અને તેને આગળની તપાસ માટે સંબંધિત મહિલા પોલીસ સ્ટેશનના હવાલે કરવામાં આવ્યો છે.

આ સફળતાથી મહિલાઓ સામેના ગુનાઓમાં સંડોવાયેલા આરોપીઓ સામે કડક સંદેશો જાય છે કે કાયદાની પકડથી કોઈ બચી શકતું નથી. સ્થાનિક નાગરિકોમાં પણ પોલીસ પ્રત્યે વિશ્વાસ વધુ મજબૂત થયો છે અને શહેરમાં સુરક્ષાની લાગણી વધેલી જોવા મળે છે.

હિન્દુસ્થાન સમાચાર / Gondaliya Abhishek Nandrambhai