નવી દિલ્હી, 13 જાન્યુઆરી (હિ.સ): વિકસિત ભારત યંગ લીડર્સ ડાયલોગમાં પ્રધાનમંત્રી નરેન્દ્ર મોદીએ, યુવાનોને દેશની સર્જનાત્મક શક્તિનું કેન્દ્ર ગણાવ્યું, વૈશ્વિક મંચ પર સામગ્રી, સર્જનાત્મકતા, આગામી પેઢીના સુધારા અને ભારતીય સાંસ્કૃતિક વારસાને પ્રોત્સાહન આપવાનું આહ્વાન કર્યું.

એક્સ પર અલગ અલગ પોસ્ટમાં પ્રધાનમંત્રીએ કહ્યું કે, છેલ્લા 11 વર્ષોએ દેશના દરેક ક્ષેત્રમાં તકોના અનંત દરવાજા ખોલ્યા છે. સામગ્રી અને સર્જનાત્મકતા ક્ષેત્રનો ઉલ્લેખ કરતા તેમણે કહ્યું કે, યુવાનો રામાયણ અને મહાભારતની પ્રેરણાદાયી વાર્તાઓને ગેમિંગ જગતમાં પણ સમાવી શકે છે. હનુમાનજી જેવા પાત્રો વૈશ્વિક સ્તરે ગેમિંગ ઉદ્યોગને આકાર આપી શકે છે.

પ્રધાનમંત્રીએ કહ્યું કે, આગામી પેઢીના સુધારાઓની શ્રેણી જે શરૂ કરવામાં આવી હતી, તે હવે રિફોર્મ એક્સપ્રેસનું સ્વરૂપ લઈ ચૂકી છે અને દેશની યુવા શક્તિ તેના મૂળમાં છે.

બીજી પોસ્ટમાં પ્રધાનમંત્રીએ કહ્યું કે, દેશે ગુલામીની માનસિકતા પર કાબુ મેળવવો જોઈએ અને તેના વારસા અને વિચારોને આગળ વધારવા જોઈએ. તેમણે કહ્યું કે, સ્વામી વિવેકાનંદનું જીવન પણ યુવાનોને આ જ સંદેશ આપે છે.

હિન્દુસ્થાન સમાચાર / પ્રશાંત શેખર / મુકુન્દ

હિન્દુસ્થાન સમાચાર / માધવી વ્યાસ