બેંગલુરુ, નવી દિલ્હી, 15 જાન્યુઆરી (હિ.સ): વોલમાર્ટની માલિકીની ઈ-કોમર્સ કંપની ફ્લિપકાર્ટ દ્વારા, જેન ડ્યુકને ચીફ એથિક્સ એન્ડ કમ્પ્લાયન્સ ઓફિસર (સીઈઓ) તરીકે નિયુક્ત કરવામાં આવ્યા છે. ઈ-કોમર્સ કંપનીએ તેના પ્રારંભિક જાહેર ભરણા (આઈપીઓ) ની તૈયારીઓ વચ્ચે તેના શાસન માળખાને મજબૂત બનાવવા માટે આ પગલું ભર્યું છે.

કંપનીએ ગુરુવારે એક નિવેદનમાં જણાવ્યું હતું કે, જેન ડ્યુક વોલમાર્ટ ઇન્ટરનેશનલના ચીફ એથિક્સ એન્ડ કમ્પ્લાયન્સ ઓફિસર ક્રિસ સાયરનને રિપોર્ટ કરશે અને ફ્લિપકાર્ટ ગ્રુપના ચીફ એક્ઝિક્યુટિવ ઓફિસર (સીઈઓ) કલ્યાણ કૃષ્ણમૂર્તિ સાથે નજીકથી કામ કરશે. જેન ડ્યુકને અમલીકરણ અને કોર્પોરેટ પાલનમાં લગભગ ત્રણ દાયકાનો અનુભવ છે. તેણીએ ટાયસન ફૂડ્સમાં ચીફ કમ્પ્લાયન્સ ઓફિસર, વાઇસ પ્રેસિડેન્ટ અને એસોસિયેટ જનરલ કાઉન્સેલ તરીકે સેવા આપી હતી. તેમનું સૌથી તાજેતરનું પદ ટાયસન ફૂડ્સમાં હતું, જ્યાં તેમણે ચીફ કમ્પ્લાયન્સ ઓફિસર તરીકે સેવા આપી હતી, ત્યારબાદ વાઇસ પ્રેસિડેન્ટ અને એસોસિયેટ જનરલ કાઉન્સેલ તરીકે સેવા આપી હતી. આ પહેલા, તેમણે પૂર્વીય અર્કાનસસ જિલ્લા માટે યુ.એસ. એટર્ની ઓફિસમાં 10 વર્ષથી વધુ સમય સુધી સેવા આપી હતી.

ફ્લિપકાર્ટ ગ્રુપના ચીફ એક્ઝિક્યુટિવ ઓફિસર (સીઈઓ) કલ્યાણ કૃષ્ણમૂર્તિએ જણાવ્યું હતું કે, જટિલ વૈશ્વિક સંગઠનોમાં નૈતિકતા, પાલન અને કામગીરીમાં તેમનો વ્યાપક અનુભવ પારદર્શિતા અને નૈતિક વ્યવસાયિક પ્રથાઓ પ્રત્યેની અમારી પ્રતિબદ્ધતાને મજબૂત બનાવવામાં નોંધપાત્ર યોગદાન આપશે.

ઈ-કોમર્સ કંપની ફ્લિપકાર્ટ ગ્રુપ ભારતની અગ્રણી ડિજિટલ કંપનીઓમાંની એક છે. આ જૂથમાં ફ્લિપકાર્ટ, મિન્ત્રા, ફ્લિપકાર્ટ હોલસેલ, ક્લિયરટ્રિપ અને સુપર.મનીનો સમાવેશ થાય છે. 2007 માં સ્થપાયેલ, ફ્લિપકાર્ટે લાખો વિક્રેતાઓ, વેપારીઓ અને નાના વ્યવસાયોને ભારતની ડિજિટલ વાણિજ્ય ક્રાંતિમાં ભાગ લેવા સક્ષમ બનાવ્યા છે. 500 મિલિયનથી વધુ નોંધાયેલા વપરાશકર્તાઓ સાથે, ફ્લિપકાર્ટનું માર્કેટપ્લેસ 80 થી વધુ શ્રેણીઓમાં 150 મિલિયનથી વધુ ઉત્પાદનો પ્રદાન કરે છે.

હિન્દુસ્થાન સમાચાર / પ્રજેશ શંકર / સુનિત નિગમ

હિન્દુસ્થાન સમાચાર / માધવી વ્યાસ