નવી દિલ્હી, 17 જાન્યુઆરી (હિ.સ.). આ વર્ષે રવિવારે બજેટ રજૂ થવા છતાં, બંને શેરબજાર સૂચકાંકો, બોમ્બે સ્ટોક એક્સચેન્જ (બીએસઈ) અને નેશનલ સ્ટોક એક્સચેન્જ (એનએસઈ), 01 ફેબ્રુઆરીના રોજ ટ્રેડિંગ માટે ખુલ્લા રહેશે.

બોમ્બે સ્ટોક એક્સચેન્જ અને નેશનલ સ્ટોક એક્સચેન્જે રોકાણકારોને માહિતી આપી હતી કે ટ્રેડિંગના કલાકો સામાન્ય રહેશે, જેનાથી રોકાણકારો બજેટની જાહેરાતો પર તાત્કાલિક પ્રતિક્રિયા આપી શકશે. કેન્દ્રીય નાણાં પ્રધાન નિર્મલા સીતારમણ તે દિવસે નાણાકીય વર્ષ ૨૦૨૬-૨૭ માટે કેન્દ્રીય બજેટ રજૂ કરશે.

નેશનલ સ્ટોક એક્સચેન્જ (એનએસઈ) એ, રોકાણકારોને એક પરિપત્રમાં જણાવ્યું હતું કે, કેન્દ્રીય બજેટ રજૂ થવાને કારણે, 01 ફેબ્રુઆરીએ સામાન્ય સમય મુજબ લાઇવ ટ્રેડિંગ સત્રો હાથ ધરવામાં આવશે. પરિપત્ર મુજબ, પ્રી-ઓપન માર્કેટ સવારે 09 વાગ્યે શરૂ થશે અને સવારે 9.08 વાગ્યે સમાપ્ત થશે, અને સામાન્ય ટ્રેડિંગ સવારે 9.15 થી બપોરે 3.30 વાગ્યા સુધી ચાલશે.

તેવી જ રીતે, બીએસઈ એ 1 ફેબ્રુઆરીનો ટ્રેડિંગ સંબંધિત, રોકાણકારો માટે એક પરિપત્ર જારી કર્યો છે. બીએસઈ નોટિસ અનુસાર, 1 ફેબ્રુઆરીને ખાસ ટ્રેડિંગ દિવસ જાહેર કરવામાં આવ્યો છે અને બજારો સામાન્ય ટ્રેડિંગ કલાકો માટે ખુલ્લા રહેશે.

હિન્દુસ્થાન સમાચાર / પ્રજેશ શંકર / સંજીવ પાશ

હિન્દુસ્થાન સમાચાર / ડો.હિતેશ એન.વ્યાસ