નવી દિલ્હી, 18 જાન્યુઆરી (હિ.સ.) આ અઠવાડિયે બોક્સ ઓફિસ પર નવી રિલીઝથી દર્શકોને ઘણી

અપેક્ષાઓ હતી, પરંતુ પરિણામો

નિરાશાજનક સાબિત થયા છે. આમિર ખાનના નિર્માણ હેઠળ બનેલી 'હેપ્પી પટેલ' અને વરુણ

શર્મા-પુલકિત સમ્રાટ અભિનીત 'રાહુ કેતુ' દર્શકોને આકર્ષવામાં નિષ્ફળ ગઈ. આશ્ચર્યજનક રીતે, 44 દિવસ પહેલા

રિલીઝ થયેલી રણવીર સિંહની ફિલ્મ 'ધુરંધર' આ નવી રિલીઝ કરતા પણ વધુ સારું પ્રદર્શન કરી રહી છે અને હજુ

પણ મજબૂત સ્થિતિમાં છે.

'હેપ્પી પટેલ' અને 'રાહુ કેતુ' બોક્સ ઓફિસ

રિપોર્ટ: વીર દાસ અભિનીત 'હેપ્પી પટેલ'એ, પહેલા દિવસે ₹1.25 કરોડની કમાણી

કરી. બીજા દિવસે ફિલ્મની કમાણીમાં ખાસ ઉછાળો જોવા મળ્યો નહીં, ફક્ત ₹1.50 કરોડની કમાણી

કરી. બે દિવસમાં ફિલ્મની કુલ કમાણી ફક્ત ₹2.75 કરોડ હતી. બીજી તરફ, રાહુ કેતુ એ શનિવારે આશરે ₹1.60 કરોડની કમાણી

કરી, જેનાથી તેનું કુલ

કલેક્શન ₹2.60 કરોડ થયું.

ધુરંધર

બોક્સ ઓફિસ રિપોર્ટ: નવી ફિલ્મોના નબળા પ્રદર્શનથી વિપરીત, રણવીર સિંહની

ધુરંધર બોક્સ ઓફિસ પર ખરેખર વિજેતા બનીને ઉભરી આવી છે. રિલીઝના 44 દિવસ પછી પણ, ફિલ્મનું વર્ચસ્વ

ચાલુ છે. નવી રિલીઝ ₹1 કરોડ કમાવવા

માટે સંઘર્ષ કરી રહી છે, ત્યારે

ધુરંધર એ શનિવારે આશરે ₹3 કરોડની કમાણી કરી, જે તેના 44મા દિવસે છે. અત્યાર સુધી, ફિલ્મે ભારતમાં આશ્ચર્યજનક ₹821 કરોડની કમાણી

કરી છે.

ધ રાજા સાબ

બોક્સ ઓફિસ રિપોર્ટ: પ્રભાસની બહુચર્ચિત ફિલ્મ ધ રાજા સાબનો સંઘર્ષ

ચાલુ છે. મોટા બજેટ અને વ્યાપક પ્રમોશન છતાં, ફિલ્મની ગતિ સતત ધીમી પડી રહી છે. નવમા દિવસે, ફિલ્મે ફક્ત ₹3 કરોડની કમાણી

કરી, જેનાથી તેનું કુલ

કલેક્શન ₹136.75 કરોડ થયું. આશરે

₹4૦૦ કરોડના

બજેટમાં બનેલી આ ફિલ્મનો ખર્ચ વસૂલવો હવે ખૂબ જ મુશ્કેલ બની રહ્યો છે.

હિન્દુસ્થાન સમાચાર / લોકેશ ચંદ્ર દુબે / રામાનુજ શર્મા

હિન્દુસ્થાન સમાચાર / માધવી વ્યાસ