મુંબઈ, નવી દિલ્હી, 14 ઓક્ટોબર (હિ.સ.) નિતેશ તિવારીની આગામી ફિલ્મ 'રામાયણ'માં યશ રાવણની ભૂમિકા ભજવવા જઈ રહ્યા છે. તેમના લુકને લઈને અભિનેતા આર્ય બબ્બરે પોતાની પ્રતિક્રિયા આપી છે. એક તાજેતરના ઇન્ટરવ્યુમાં આર્યએ કહ્યું કે યશના રાવણવાળા રૂપમાં તેમને હાલમાં કંઈ નવું જોવા મળ્યું નથી. તેમણે તેની સરખામણી યશની ફિલ્મ 'કેજીએફ'ના લુક સાથે કરી. જોકે, આર્યએ એમ પણ કહ્યું કે આખી ફિલ્મ જોયા પછી જ તેમના પાત્રને લઈને કોઈ અંતિમ અભિપ્રાય બનાવી શકાય છે.

આર્ય બબ્બર આ દિવસોમાં થિયેટર પ્લે 'મહાબલી'માં રાવણનું પાત્ર ભજવી રહ્યા છે. વાતચીત દરમિયાન તેમણે ફિલ્મ 'આદિપુરુષ'માં સૈફ અલી ખાનના અભિનયનો બચાવ કર્યો. આર્યના મતે, સૈફે દિગ્દર્શકના દૃષ્ટિકોણ મુજબ પાત્ર ભજવ્યું અને તેમાં અલગ તીવ્રતા લાવવાનો પ્રયાસ કર્યો. તેણે કહ્યું કે, કોઈ પાત્રના ચિત્રણ માટે ફક્ત અભિનેતાને જવાબદાર ઠેરવવું યોગ્ય નથી. જ્યારે, યશના લુક પર તેમણે ટિપ્પણી કરી કે તેમને અભિનેતાનો નવો અંદાજ ફિલ્મ 'ટોક્સિક'માં જોવા મળ્યો હતો.

નિતેશ તિવારીના નિર્દેશનમાં બની રહેલી 'રામાયણ'માં રણબીર કપૂર ભગવાન રામ, સાઈ પલ્લવી માતા સીતા, યશ રાવણ, રવિ દુબે લક્ષ્મણ અને સની દેઓલ હનુમાનની ભૂમિકામાં જોવા મળશે. ફિલ્મમાં અરુણ ગોવિલ, લારા દત્તા, રકુલ પ્રીત સિંહ અને વિવેક ઓબેરોય પણ મહત્વની ભૂમિકાઓમાં છે. નમિત મલ્હોત્રાના નિર્માણમાં બની રહેલી આ ફિલ્મ બે ભાગમાં રિલીઝ થશે. તેનો પહેલો ભાગ 5 નવેમ્બરના રોજ સિનેમાઘરોમાં આવશે.

હિન્દુસ્થાન સમાચાર / લોકેશ ચંદ્ર દુબે / સુનીત નિગમ

હિન્દુસ્થાન સમાચાર / માધવી વ્યાસ