નવી દિલ્હી, 15 ઓક્ટોબર (હિ.સ.). કેન્દ્રીય તપાસ બ્યુરો (સીબીઆઈ) એ ભ્રષ્ટાચારના એક કેસમાં ચેન્નઈના એસએફઆઈઓ ના નાયબ નિર્દેશક સ્તરના અધિકારી અને એક વકીલ સહિત બે ખાનગી વ્યક્તિઓની ધરપકડ કરી છે.
સીબીઆઈ એ ગંભીર છેતરપિંડી તપાસ કાર્યાલય (એસએફઆઈઓ), કોર્પોરેટ બાબતોના મંત્રાલય, ચેન્નઈના એક અધિકારી અને એક વકીલ સાથે અન્ય લોકો વિરુદ્ધ કેસ દાખલ કર્યો હતો. આરોપીઓની ઓળખ ચેન્નઈમાં એસએફઆઈઓ ના નાયબ નિર્દેશક હરીશ કુમાર તંવર, એડવોકેટ ભરત શર્મા અને ભરતના સંબંધી આર્યન શર્મા તરીકે થઈ છે.
આરોપ છે કે, તેઓએ ડીએચએફએલ કૌભાંડ સંબંધિત એસએફઆઈઓ દ્વારા કરવામાં આવી રહેલી તપાસમાં ફરિયાદીનો પક્ષ લેવા માટે તેની પાસેથી ₹1 કરોડનો ગેરવાજબી લાભ માંગ્યો હતો.
ફરિયાદની ચકાસણી અને એફઆઈઆર દાખલ કર્યા પછી સીબીઆઈ એ જાળ બિછાવીને ત્રણેયની ધરપકડ કરી. વકીલે એસએફઆઈઓ અધિકારી વતી એક કરોડની લાંચની માંગણીના આંશિક ચુકવણી તરીકે ફરિયાદી પાસેથી ₹20 લાખનો ગેરવાજબી લાભ મેળવ્યો હતો. લોક સેવક અને એડવોકેટના પરિસરોની તલાશી દરમિયાન કેસ સંબંધિત વાંધાજનક સામગ્રી જપ્ત કરવામાં આવી છે. કેસની તપાસ ચાલુ છે.
હિન્દુસ્થાન સમાચાર / અનૂપ શર્મા / પવન કુમાર
હિન્દુસ્થાન સમાચાર / ડો.હિતેશ એન.વ્યાસ
