ભાવનગર,16 ઓક્ટોબર (હિ.સ.) : ભારતીય જનતા પાર્ટી, મહુવા તાલુકા ભાજપ દ્વારા સંગઠનની એકતા અને કાર્યકર્તાઓ વચ્ચે પરસ્પર સંવાદને પ્રોત્સાહન આપવાના હેતુથી ટીફીન બેઠકનું આયોજન કરવામાં આવ્યું હતું. આ બેઠકમાં ભાવનગર જિલ્લા ભાજપના અધ્યક્ષ દિગ્વિજયસિંહ ગોહિલ, મહુવા તાલુકા ભાજપના પ્રભારી જોરસંગભાઈ પરમાર, ટીફીન બેઠકના વાલી અને પૂર્વ જિલ્લા પંચાયતના મહામંત્રી નારણભાઈ મોરી તેમજ મહુવા તાલુકા ભાજપના અધ્યક્ષ હકાભાઈ ગોહિલ સહિત વિવિધ મોરચાના હોદ્દેદારો ઉપસ્થિત રહ્યા હતા.

ટીફીન બેઠક દરમિયાન કાર્યકર્તાઓએ સાથે બેસીને સહભોજન કર્યું હતું. આ પ્રસંગે સંગઠનના વિવિધ પાસાઓ અંગે પરસ્પર સંવાદ અને વિચારોની આપ-લેને મહત્વ આપવામાં આવ્યું હતું. બેઠકનો મુખ્ય હેતુ કાર્યકર્તાઓ વચ્ચે આત્મીયતા વધારવા, પરસ્પર સહકારની ભાવના મજબૂત કરવા અને સંગઠનાત્મક પ્રવૃત્તિઓમાં સંકલન વધારવાનો હતો.

ટીફીન બેઠક માત્ર સાથે બેસીને ભોજન કરવાનો કાર્યક્રમ ન રહેતાં કાર્યકર્તાઓને એકબીજાની નજીક આવવાની અને સંગઠન સંબંધિત બાબતો પર ચર્ચા કરવાની તક પૂરી પાડે છે. આવી બેઠકોના માધ્યમથી કાર્યકર્તાઓ વચ્ચે સંવાદ, સહકાર અને જવાબદારીની ભાવનાને પ્રોત્સાહન મળે છે.

મહુવા તાલુકા ભાજપ દ્વારા આયોજિત આ બેઠકમાં સંગઠનની કામગીરીમાં કાર્યકર્તાઓની ભૂમિકા અને પરસ્પર સંકલનના મહત્વ પર ભાર મૂકવામાં આવ્યો હતો. સંગઠનના વિવિધ મોરચાના હોદ્દેદારોની ઉપસ્થિતિથી બેઠકમાં સંગઠનાત્મક જોડાણનો માહોલ જોવા મળ્યો હતો.

---------------

હિન્દુસ્થાન સમાચાર / DISHANT NANDRAMBHAI GONADLIYA