અમરાવતી, નવી દિલ્હી, 2 ઓક્ટોબર (હિ.સ.) મહારાષ્ટ્રના સમૃદ્ધિ હાઇવે પર નવરાત્રિ ઉત્સવ માટે દુર્ગા મૂર્તિ લઈને જતી વાહન સાથે ભયાનક અકસ્માત થયો. આ અકસ્માત અમરાવતી જિલ્લાના ધામણગાંવ પોલીસ સ્ટેશન વિસ્તારમાં રાત્રે લગભગ 1 વાગ્યે થયો હતો. પાંચ લોકોના મોત થયા હતા અને ઘણા લોકો ઘાયલ થયા હતા.

અહેવાલો અનુસાર, વર્ધાના સિંદી મેઘે વિસ્તારના નવદુર્ગા પૂજા ઉત્સવ સમિતિના સભ્યો શેગાંવથી એક પિકઅપ ટ્રકમાં એક ઊંચી દુર્ગા મૂર્તિ લઈને પરત ફરી રહ્યા હતા. ધામણગાંવ નજીક સમૃદ્ધિ હાઇવે પર ચેનલ 97 નજીક તેમના વાહનને પાછળથી આવતા ટેન્કરે ટક્કર મારી હતી.

અકસ્માત એટલો ગંભીર હતો કે, વાહનમાં સવાર કેટલાક યુવાનો ગંભીર રીતે ઘાયલ થયા હતા. અકસ્માતની માહિતી મળતાં, પોલીસ ઘટનાસ્થળે પહોંચી અને બચાવ કામગીરી શરૂ કરી, ઘાયલોને તાત્કાલિક હોસ્પિટલમાં ખસેડ્યા. ઘાયલોને વર્ધાની સાવંગી હોસ્પિટલમાં સારવાર આપવામાં આવી રહી છે.

પ્રાથમિક માહિતી મુજબ ઘનશ્યામ પાટિલ, ઓમ ગાવંડે, સચિન બાદમનવાર, પ્રવીણ બાકણે અને દત્તા કુલસંગેના મોત થયા છે. ઘટનાની માહિતી મળતાં, પોલીસ અને સ્થાનિક વહીવટી અધિકારીઓએ ઘટનાસ્થળ અને હોસ્પિટલની મુલાકાત લીધી અને પરિસ્થિતિનું મૂલ્યાંકન કર્યું. પોલીસ અકસ્માતના કારણની તપાસ કરી રહી છે.

હિન્દુસ્થાન સમાચાર / મનીષ કુલકર્ણી / અમરેશ દ્વિવેદી

હિન્દુસ્થાન સમાચાર / ડો.હિતેશ એન.વ્યાસ