અમરેલી02 ઓક્ટોબર (હિ.સ.)

જાફરાબાદ ટાઉન પોલીસ સ્ટેશન વિસ્તારમાં જાહેરમાં જુગાર રમતા હોવાની માહિતીના આધારે પોલીસે કાર્યવાહી હાથ ધરી હતી. પોલીસની ટીમે બાતમીના આધારે સ્થળ પર પહોંચીને જાહેરમાં જુગાર રમતા બે ઈસમોને ઝડપી પાડ્યા હતા.

પોલીસે યોગેશ પરમાર અને વિપુલ ચૌહાણને ઝડપી લઈ તેમની પાસેથી જુગારના દાવમાં વપરાયેલી હોવાનું જણાવાતી ₹24,720ની રોકડ રકમ સહિતનો મુદ્દામાલ કબજે કર્યો હતો. બંને ઈસમો સામે કાયદેસરની કાર્યવાહી હાથ ધરવામાં આવી છે.

જાહેર સ્થળોએ ગેરકાયદેસર રીતે ચાલતી જુગાર જેવી પ્રવૃત્તિઓ સામે પોલીસ દ્વારા કાર્યવાહી કરવામાં આવી રહી છે. જાફરાબાદ ટાઉન પોલીસ સ્ટેશન વિસ્તારમાં પોલીસની ટીમે બાતમીના આધારે કરેલી આ કાર્યવાહીને પગલે જુગાર રમતા લોકોમાં ફફડાટ ફેલાયો હતો.

પોલીસે કબજે કરાયેલા રોકડ મુદ્દામાલ સહિત જરૂરી પુરાવા આધારે બંને આરોપીઓ સામે ગુનો નોંધી વધુ તપાસ શરૂ કરી છે. પોલીસ દ્વારા આ સમગ્ર મામલે જુગાર રમવા માટે અન્ય કોઈ વ્યક્તિઓની સંડોવણી હતી કે કેમ અને સ્થળ પર આવી પ્રવૃત્તિ અગાઉથી ચાલતી હતી કે કેમ તે અંગે પણ તપાસ કરવામાં આવી રહી છે.

---------------

હિન્દુસ્થાન સમાચાર / Gondaliya Abhishek Nandrambhai