ઢાકા, નવી દિલ્હી, 06 ઓક્ટોબર (હિ.સ.). બાંગ્લાદેશમાં દુર્ગા પૂજાની રજાને કારણે, સરકારી કચેરીઓ 20 થી 22 ઓક્ટોબર સુધી બંધ રહેશે. 23-24 ઓક્ટોબરના સપ્તાહાંત સાથે, આ રજાઓને જોડીને કુલ પાંચ દિવસની રજા થઈ જશે. સરકારે આ નિર્ણયની જાહેરાત સોમવારે કરી.

ઢાકા ટ્રિબ્યુનના અહેવાલ મુજબ, આ સંબંધમાં જારી કરાયેલી નોટિસમાં જણાવાયું છે કે, દુર્ગા પૂજા માટે જાહેર કરાયેલી સામાન્ય અને અન્ય રજાઓની તારીખોમાં ફેરફાર કરવામાં આવ્યો છે. સરકારી કચેરીઓ શનિવારે (17 ઓક્ટોબર) ખુલ્લી રહેશે. 20, 21 અને 22 ઓક્ટોબરના રોજ રજા રહેશે.

23 અને 24 ઓક્ટોબરના રોજ અનુક્રમે શુક્રવાર અને શનિવાર છે. આનો અર્થ એ છે કે, સરકારી કર્મચારીઓને 20 થી 24 ઓક્ટોબર સુધી સતત પાંચ દિવસની રજા મળશે. આ દરમિયાન, સરકારે દર વર્ષે 7 નવેમ્બરના રોજ 'રાષ્ટ્રીય ક્રાંતિ અને એકતા દિવસ' તરીકે જાહેર રજા જાહેર કરવાનો નિર્ણય કર્યો છે.

હિન્દુસ્થાન સમાચાર / મુકુંદ

હિન્દુસ્થાન સમાચાર / ડો.હિતેશ એન.વ્યાસ