- આ સોદો ભારતના દરિયાઈ સુરક્ષા આર્કિટેક્ચર અને સંરક્ષણ ક્ષમતાઓને પણ મજબૂત કરશે.

નવી દિલ્હી, 06 ઓક્ટોબર (હિ.સ.). ભારતીય નૌકાદળ માટે બ્રહ્મોસ ફાયર કંટ્રોલ સિસ્ટમ અને લોન્ચર ખરીદવામાં આવશે, જેના માટે સંરક્ષણ મંત્રાલયે મંગળવારે નવી દિલ્હીમાં બ્રહ્મોસ એરોસ્પેસ પ્રાઇવેટ લિમિટેડ (બીએપીએલ) સાથે 661 કરોડના કરાર પર હસ્તાક્ષર કર્યા. આ ખરીદી ઇન્ડિયન-ઇડીડીએમ શ્રેણી હેઠળ કરવામાં આવશે. આ કરાર પર સંરક્ષણ સચિવ રાજેશ કુમાર સિંહની હાજરીમાં હસ્તાક્ષર કરવામાં આવ્યા.

સંરક્ષણ મંત્રાલય અનુસાર, ઓછામાં ઓછા 68 ટકા સ્વદેશી કન્ટેન્ટ સાથે આ પ્રોજેક્ટ લઘુ ઉદ્યોગો સહિત વિવિધ ભારતીય ઉદ્યોગોની સક્રિય ભાગીદારીને પ્રોત્સાહન આપે છે. આ પ્રોજેક્ટ ત્રણ વર્ષમાં રોજગારીનું સર્જન કરશે. આ ભારતના દરિયાઈ સુરક્ષા આર્કિટેક્ચર અને સંરક્ષણ ક્ષમતાઓને પણ મજબૂત કરશે અને અદ્યતન સૈન્ય ટેકનોલોજીને સ્વદેશી બનાવવાની ચાલી રહેલી કોશિશોમાં એક મહત્વપૂર્ણ સીમાચિહ્ન છે. વિવિધ ફ્રન્ટલાઈન યુદ્ધ જહાજો પર સ્થાપિત બ્રહ્મોસ સિસ્ટમ દરિયાઈ હુમલાના ઓપરેશન માટે ભારતીય નૌકાદળની મુખ્ય સરફેસ ટુ સરફેસ મિસાઈલ સિસ્ટમ છે. આ શસ્ત્ર પ્રણાલી સુપરસોનિક ગતિથી ખૂબ દૂરથી જમીન અને સમુદ્રના લક્ષ્યો પર ચોક્કસ નિશાન લગાવી શકે છે.

ભારતીય નૌકાદળે સ્વદેશી બૂસ્ટર સાથે બ્રહ્મોસ મિસાઈલના એન્ટી-શિપ વર્ઝનનું સફળ પરીક્ષણ કર્યું છે, જે ભારતની આત્મનિર્ભરતા પ્રત્યે નૌકાદળની પ્રતિબદ્ધતાને મજબૂત કરે છે. આ બ્રહ્મોસ મિસાઈલમાં નવી ટેકનોલોજીનો ઉપયોગ કરવામાં આવ્યો છે. બ્રહ્મોસ મિસાઈલનું નિર્માણ ભારત અને રશિયા વચ્ચેના એક સંયુક્ત સાહસ હેઠળ કરવામાં આવી રહ્યું છે. આ સંયુક્ત સાહસમાં ડીઆરડીઓ ભારતીય પક્ષનું પ્રતિનિધિત્વ કરે છે. નૌકાદળ તેના યુદ્ધ જહાજ આઈએનએસ વિશાખાપટ્ટનમ, ગાઈડેડ મિસાઈલ ડિસ્ટ્રોયર આઈએનએસ મોરમુગાઓ, યુદ્ધ જહાજ આઈએનએસ દિલ્હી, આઈએનએસ રણવિજય, સ્વદેશી સ્ટીલ્થ ડિસ્ટ્રોયર આઈએનએસ ચેન્નઈથી સમયાંતરે બ્રહ્મોસ સુપરસોનિક ક્રુઝ મિસાઈલનું પરીક્ષણ કરી ચૂક્યું છે.

નૌકાદળ પાસે સમુદ્રમાં છોડવા માટે બ્રહ્મોસ મિસાઈલના ચાર વેરિઅન્ટ્સ છે. યુદ્ધ જહાજમાંથી છોડવામાં આવતી એન્ટી-શિપ મિસાઈલ અને લેન્ડ-એટેક મિસાઈલ નૌકાદળ પાસે પહેલેથી જ છે. સબમરીનમાંથી છોડવામાં આવતી એન્ટી-શિપ મિસાઈલ અને લેન્ડ-એટેક મિસાઈલનું પણ સફળ પરીક્ષણ થઈ ચૂક્યું છે અને તે ટૂંક સમયમાં નૌકાદળના શસ્ત્રાગારમાં સામેલ થશે. બ્રહ્મોસ મિસાઈલનું નિર્માણ ભારત અને રશિયા વચ્ચેના એક સંયુક્ત સાહસ હેઠળ કરવામાં આવી રહ્યું છે. આ સંયુક્ત સાહસમાં ડીઆરડીઓ ભારતીય પક્ષનું પ્રતિનિધિત્વ કરે છે.

હિન્દુસ્થાન સમાચાર / સુનિલ નિગમ / પવન કુમાર

હિન્દુસ્થાન સમાચાર / માધવી વ્યાસ