કુલ્લુ, 07 ઓક્ટોબર (હિ.સ.) : રાષ્ટ્રપતિ દ્રૌપદી મુર્મૂએ બુધવારે હિમાચલ પ્રદેશના રોહતાંગમાં વ્યૂહાત્મક રીતે મહત્વપૂર્ણ અટલ ટનલની મુલાકાત લીધી હતી. તેમણે ટનલના નિર્માણમાં સીમા માર્ગ સંગઠન (બી. આર. ઓ.) ના યોગદાનની પ્રશંસા કરી હતી.

રાષ્ટ્રપતિએ કહ્યું કે બોર્ડર રોડ્સ ઓર્ગેનાઇઝેશનના સમર્પણ અને સખત મહેનતથી બનેલી અટલ ટનલ એ એન્જિનિયરિંગનું ઉત્તમ ઉદાહરણ છે જે વૈશ્વિક ધોરણોને પૂર્ણ કરે છે.

તેમણે કહ્યું હતું કે, આ પ્રતિષ્ઠિત માળખાગત પ્રોજેક્ટ દેશની સૌથી પડકારજનક ભૌગોલિક વિસ્તારોમાં પણ અવિરત જોડાણ સુનિશ્ચિત કરવા માટે ભારતની ટેકનોલોજીકલ ક્ષમતા, દ્રઢ નિશ્ચય અને પ્રતિબદ્ધતાનો પુરાવો છે.

અટલ ટનલ વ્યૂહાત્મક રીતે મહત્વપૂર્ણ છે અને તેનું નિર્માણ મનાલીને લાહૌલ-સ્પીતિ ખીણ સાથે આખું વર્ષ જોડે છે.

કિલોમીટર લાંબી આ સુરંગનું ઉદ્ઘાટન પ્રધાનમંત્રી નરેન્દ્ર મોદી દ્વારા 2020માં કરવામાં આવ્યું હતું.

રાષ્ટ્રપતિની મુલાકાત દરમિયાન મનાલી વિધાનસભા મતવિસ્તારના ધારાસભ્ય ભુવનેશ્વર ગૌર અને લાહૌલ-સ્પીતિના ધારાસભ્ય અનુરાધા રાણા પણ ખાસ ઉપસ્થિત રહ્યા હતા.

હિન્દુસ્થાન સમાચાર/જસપાલ સિંહ/સુનીલ શુક્લા/સત્યવાન

હિન્દુસ્થાન સમાચાર / હર્ષ શાહ