નવી દિલ્હી, 08 ઓક્ટોબર (હિ.સ.) : પ્રધાનમંત્રી નરેન્દ્ર મોદી અને લોકસભા અધ્યક્ષ ઓમ બિરલાએ ઝારખંડના મુખ્યમંત્રી હેમંત સોરેનના માતા રૂપી સોરેનના નિધન પર ઊંડો શોક વ્યક્ત કર્યો હતો. રૂપી સોરેનના નિધનને અત્યંત દુઃખદ ગણાવતા તેમણે કહ્યું કે તેમણે હંમેશા આદિવાસી સમુદાયોના સશક્તિકરણ માટે કામ કર્યું છે.
પ્રધાનમંત્રીનરેન્દ્ર મોદીએ ગુરુવારે એક્સ પર લખ્યુંઃ દુઃખની આ ઘડીમાં, હું હેમંત સોરેન, કલ્પના સોરેન અને તેમના પરિવારો પ્રત્યે મારી ઊંડી સંવેદના વ્યક્ત કરું છું. તેમણે દિવંગત આત્માની શાંતિ માટે પ્રાર્થના કરતી વખતે શોકગ્રસ્ત પરિવાર પ્રત્યે સંવેદના વ્યક્ત કરી હતી.
લોકસભા અધ્યક્ષ ઓમ બિરલાએ પણ રૂપી સોરેનના નિધન પર ઊંડો શોક વ્યક્ત કર્યો હતો. તેમણે કહ્યું કે, રૂપી સોરેનના નિધનના સમાચાર અત્યંત દુઃખદ છે. આ મુશ્કેલ સમયમાં મારી સંવેદનાઓ હેમંત સોરેન અને તેમના આખા પરિવાર સાથે છે. બિરલાએ ભગવાનને દિવંગત આત્માને શાંતિ અને શોકગ્રસ્ત પરિવારને આ અપાર દુઃખ સહન કરવાની શક્તિ આપે તેવી પ્રાર્થના કરી હતી.
નોંધનીય છે કે, રૂપી સોરેનનું બુધવારે રાત્રે લગભગ 8 વાગ્યે અવસાન થયું હતું. તેઓ લાંબા સમયથી અસ્વસ્થ હતા અને રાંચીના બારિયાટુની હિલ વ્યૂ હોસ્પિટલમાં સારવાર લઈ રહ્યા હતા.
હિન્દુસ્થાન સમાચાર/માધવી ત્રિપાઠી/મુકુંદ
હિન્દુસ્થાન સમાચાર / હર્ષ શાહ
08 Oct 2026
