લખનૌ,09 ઓક્ટોબર (હિ.સ.) શુક્રવારે મુખ્યમંત્રી યોગી આદિત્યાનાથની અધ્યક્ષતામાં ઉત્તર પ્રદેશ મંત્રીમંડળની બેઠક યોજાઈ હતી. જેવર હવાઇમથકનું નામ બદલવાના નિર્ણયને મંજૂરી આપતા મુખ્યમંત્રીએ કહ્યું કે જેવર હવાઇમથકનું નામ બદલીને નરેન્દ્ર મોદી આંતરરાષ્ટ્રીય હવાઇમથક કરવામાં આવ્યું છે.

આજે લોકભવન ખાતે યોજાયેલી મંત્રીમંડળની બેઠક બાદ મીડિયા સેન્ટર ખાતે પત્રકારો સાથે વાત કરતા મુખ્યમંત્રીએ કહ્યું કે મંત્રીમંડળ પ્રધાનમંત્રી નરેન્દ્ર મોદીને તેમના સેવા કાર્યો માટે હૃદયપૂર્વક અભિનંદન આપે છે. તેઓ ઉત્તર પ્રદેશમાંથી જ એક જન પ્રતિનિધિ તરીકે દેશનું નેતૃત્વ કરી રહ્યા છે. મંત્રીમંડળે જેવર એરપોર્ટનું નામ બદલીને નરેન્દ્ર મોદી એરપોર્ટ કરવાના પ્રસ્તાવને મંજૂરી આપી છે.

મુખ્યમંત્રીએ કહ્યું કે પ્રધાનમંત્રી મોદી અને ઉત્તર પ્રદેશ વચ્ચેના સંબંધો ખૂબ જ સૌહાર્દપૂર્ણ છે. કાશી અને મા ગંગા સાથે શરૂ થયેલો ઘનિષ્ઠ સંબંધ સમય જતાં ગાઢ થતો રહ્યો અને આજે રાજ્યના સર્વાંગી કાયાકલ્પનો આધાર બને છે. કેન્દ્ર અને રાજ્યની સહિયારી સંકલ્પ અને ટીમ ઇન્ડિયાની ભાવના સાથે, ઉત્તર પ્રદેશ અભૂતપૂર્વ પ્રગતિના માર્ગ પર આગળ વધી રહ્યું છે.મંત્રીમંડળે ઉત્તર પ્રદેશના ઔદ્યોગિક વિકાસ સત્તામંડળો માટે મોડલ બિલ્ડિંગ રેગ્યુલેશન્સ, 2026ના અમલીકરણ સંબંધિત ઠરાવો પસાર કર્યા છે. આ ઉપરાંત, ખરિફ માર્કેટિંગ વર્ષમાં લઘુતમ ટેકાના ભાવ યોજના હેઠળ ડાંગરની ખરીદી નીતિ નક્કી કરવા, ઉત્તર પ્રદેશ સ્ટાર્ટઅપ ખરીદી યોજના-2026, ઉત્તર પ્રદેશ આર્ટિફિશિયલ ઇન્ટેલિજન્સ મિશનની સ્થાપના, ભદોહી જિલ્લાનું નામ બદલીને સંત રવિદાસ નગર ભદોહી કરવા અને ઉત્તર પ્રદેશ વ્યાજ સહાય યોજના-2026 ના અમલીકરણ અંગેના ઠરાવો પસાર કરવામાં આવ્યા હતા. હિન્દુસ્થાન સમાચાર/દીપક/સંજીવ પાશ

હિન્દુસ્થાન સમાચાર / હર્ષ શાહ