રાષ્ટ્રપતિ અને અન્ય મહાનુભાવોએ મહાપર્વ છઠના અવસર પર દેશવાસીઓને પાઠવી શુભેચ્છા
નવી દિલ્હી, 15 નવેમ્બર (હિ.સ.). રાષ્ટ્રપતિ દ્રૌપદી મુર્મુ, ઉપરાષ્ટ્રપતિ સીપી રાધાકૃષ્ણન અને સંરક્ષણ મંત્રી રાજનાથ સહિત અનેક નેતાઓએ રવિવારે મહાપર્વ છઠના પવિત્ર અવસર પર તમામ ભારતીયોને હાર્દિક અભિનંદન અને શુભેચ્છાઓ પાઠવી. રાષ્ટ્રપતિ મુર્મુએ એક્સ પર લ
પ્રતીકાત્મક


નવી દિલ્હી, 15 નવેમ્બર (હિ.સ.). રાષ્ટ્રપતિ દ્રૌપદી મુર્મુ, ઉપરાષ્ટ્રપતિ સીપી રાધાકૃષ્ણન અને સંરક્ષણ મંત્રી રાજનાથ સહિત અનેક નેતાઓએ રવિવારે મહાપર્વ છઠના પવિત્ર અવસર પર તમામ ભારતીયોને હાર્દિક અભિનંદન અને શુભેચ્છાઓ પાઠવી.

રાષ્ટ્રપતિ મુર્મુએ એક્સ પર લખ્યું, “લોક આસ્થાના મહાપર્વ છઠના પવિત્ર અવસર પર, હું ભારત અને વિદેશમાં વસતા તમામ ભારતીયોને હાર્દિક અભિનંદન અને શુભેચ્છાઓ પાઠવું છું.” ઉપરાષ્ટ્રપતિ રાધાકૃષ્ણનને લખ્યું, લોકોની આસ્થા, શ્રદ્ધા, આત્મ-શિસ્ત અને પ્રકૃતિ પ્રત્યે કૃતજ્ઞતાનું પ્રતીક આ મહાપર્વ, સેવા, સમર્પણ અને સામાજિક સમરસતાના મૂલ્યો શીખવે છે. કામના છે કે છઠ્ઠી મૈયાની ઉપાસનાનું આ પવિત્ર પર્વ સૌના જીવનમાં ખુશીઓ, શાંતિ, ઉત્તમ સ્વાસ્થ્ય અને સમૃદ્ધિ લઈને આવે.

લોકસભા અધ્યક્ષ ઓમ બિરલાએ જણાવ્યું કે, આ પર્વ આસ્થા, તપસ્યા, શિસ્ત અને પ્રકૃતિ પ્રત્યે કૃતજ્ઞતાનો એક અદભૂત સંગમ છે. અસ્ત થતા સૂર્યને અર્ઘ્ય આપવાની આ પરંપરા પ્રકૃતિ પ્રત્યે સન્માન, જીવન માટે કૃતજ્ઞતા અને ભારતીય સંસ્કૃતિમાં ઊંડી આસ્થા દર્શાવે છે. આ મહાન પર્વ સૌને આત્મ-સંયમ, પવિત્રતા, સામૂહિક ભાગીદારી અને પારિવારિક મૂલ્યોના મહત્વની યાદ અપાવે છે. તે તમામ છઠ વ્રતીઓની નિષ્ઠાને સાદર વંદન છે, જેઓ કઠોર ઉપવાસ અને અતૂટ આસ્થા સાથે આ અનુષ્ઠાનનું પાલન કરે છે.

રાજનાથ સિંહે જણાવ્યું કે, આજે આસ્થા, ભક્તિ અને શ્રદ્ધાના મહાપર્વ 'છઠ'નો ત્રીજો દિવસ છે. આજે સાંજે આથમતા સૂર્ય દેવને અર્ઘ્ય આપવામાં આવશે અને તેમની પૂજા-અર્ચના કરવામાં આવશે. ભગવાન સૂર્ય અને છઠ્ઠી મૈયાના આશીર્વાદ સૌ પર બની રહે, અને સૌનું જીવન સુખ, શાંતિ અને ઉત્તમ સ્વાસ્થ્યથી પરિપૂર્ણ હોય.

કેન્દ્રીય કૃષિ અને ખેડૂત કલ્યાણ મંત્રી શિવરાજ સિંહ ચૌહાણે જણાવ્યું કે, ભગવાન સૂર્ય અને છઠ્ઠી મૈયાના આશીર્વાદ દરેક ઘર-આંગણાને ધન-ધાન્યથી ભરી દે. સૌના જીવનમાં સુખ, સમૃદ્ધિ, કલ્યાણ અને આનંદનો વાસ હોય. સૌ પ્રગતિ કરે, સૌ પર કૃપા બની રહે અને સૌની મનોકામનાઓ પૂર્ણ થાય એવી જ પ્રાર્થના છે. કેન્દ્રીય કાપડ મંત્રી ગિરિરાજ સિંહે જણાવ્યું કે આસ્થાના આ મહાપર્વ પર ભગવાન સૂર્ય અને છઠ્ઠી મૈયાને પ્રાર્થના છે કે સૌના જીવનમાં સુખ, શાંતિ, સમૃદ્ધિ અને ઉત્તમ સ્વાસ્થ્યના આશીર્વાદ બની રહે.

હિન્દુસ્થાન સમાચાર / શ્રદ્ધા દ્વિવેદી / મુકુંદ

હિન્દુસ્થાન સમાચાર / માધવી વ્યાસ


 rajesh pande