કેનબેરા (ઓસ્ટ્રેલિયા), નવી દિલ્હી, 15 માર્ચ (હિ.સ.). ઓસ્ટ્રેલિયન સરકારના એક મંત્રીએ રવિવારે સ્થાનિક સમય મુજબ જાહેરાત કરી કે, ઈરાની મહિલા ફૂટબોલ ટીમના ત્રણ સભ્યોએ પોતાનો વિચાર બદલી નાખ્યો છે. ઓસ્ટ્રેલિયામાં રહેવા માટેના તેમના શરણાર્થી વિઝા સ્વીકારવામાં આવ્યા છે, પરંતુ તેઓએ ઘરે પાછા ફરવાનો નિર્ણય લીધો છે.

સીબીએસ ન્યૂઝના અહેવાલ મુજબ, ઓસ્ટ્રેલિયાના ગૃહમંત્રી ટોની બર્કે આ જાહેરાત કરી હતી. તેમણે કહ્યું કે, તેમના ગયા પછી, ટીમના શરૂઆતના સાત સભ્યોમાંથી માત્ર ત્રણ જ હવે ઓસ્ટ્રેલિયામાં છે. રાતોરાત, ઈરાની મહિલા ફૂટબોલ ટીમના ત્રણ સભ્યોએ બાકીના સભ્યો સાથે ઈરાન પાછા ફરવાનો નિર્ણય લીધો, બર્કે એક નિવેદનમાં જણાવ્યું હતું.

ઉલ્લેખનીય છે કે, ઈરાની ટીમ ગયા મહિને મહિલા એશિયન કપ માટે ઓસ્ટ્રેલિયા પહોંચી હતી. તેના થોડા સમય પછી, 28 ફેબ્રુઆરીએ મધ્ય પૂર્વમાં યુદ્ધ ફાટી નીકળ્યું. જેના કારણે ઈરાની મહિલા ખેલાડીઓએ 2 માર્ચે દક્ષિણ કોરિયા સામેની મેચ પહેલા તેમનું રાષ્ટ્રગીત ગાવાનો ઇનકાર કર્યો હતો. આને ઈરાનમાં ચાલી રહેલા શાસન વિરોધી વિરોધ પ્રદર્શનો સાથે એકતાના પ્રતીક તરીકે જોવામાં આવ્યું હતું.

ઈરાનના રાજ્ય મીડિયા અને વરિષ્ઠ અધિકારીઓએ, મહિલા ખેલાડીઓને યુદ્ધ સમયના દેશદ્રોહી ગણાવ્યા. આ એક ગંભીર આરોપ છે, જેની સજા ઈરાનમાં મૃત્યુદંડ છે. ખેલાડીઓની સલામતી અંગે વધતી ચિંતાઓ વચ્ચે, ઓસ્ટ્રેલિયન સરકારે ટીમના ઘણા સભ્યોને માનવતાવાદી વિઝા આપ્યા.

શરૂઆતમાં, સાત સભ્યો (છ ખેલાડીઓ અને એક સ્ટાફ સભ્ય) એ આશ્રય સ્વીકાર્યો. અમેરિકી પ્રમુખ ડોનાલ્ડ ટ્રમ્પે, આ મામલે હસ્તક્ષેપ કર્યો અને ઓસ્ટ્રેલિયાને ખેલાડીઓને આશ્રય આપવા અપીલ કરી. ઈરાની ફૂટબોલ ફેડરેશન પર ઓસ્ટ્રેલિયા પર ખેલાડીઓનું અપહરણ કરવાનો અને તેમને બળજબરીથી આશ્રય મેળવવા માટે ઉશ્કેરવાનો આરોપ છે.

હિન્દુસ્થાન સમાચાર / મુકુંદ

હિન્દુસ્થાન સમાચાર / માધવી વ્યાસ