નવી દિલ્હી, 18 માર્ચ (હિ.સ): પ્રધાનમંત્રી નરેન્દ્ર મોદીએ, બુધવારે મધ્યપ્રદેશના ઇન્દોરમાં આગ પર ઊંડો શોક વ્યક્ત કર્યો અને માર્યા ગયેલા લોકોના પરિવારજનો માટે ₹2 લાખનું વળતર જાહેર કર્યું.

પ્રધાનમંત્રી કાર્યાલય દ્વારા જારી કરાયેલ સોશિયલ મીડિયા પ્લેટફોર્મ એક્સ પર એક પોસ્ટમાં પ્રધાનમંત્રીએ જણાવ્યું હતું કે, મધ્યપ્રદેશના ઇન્દોરમાં આગમાં થયેલા જાનમાલના નુકસાનથી તેઓ ખૂબ જ દુઃખી છે. તેમણે શોકગ્રસ્ત પરિવારો પ્રત્યે સંવેદના વ્યક્ત કરી અને ઘાયલોના ઝડપી સ્વસ્થ થવાની કામના કરી.

પ્રધાનમંત્રીએ જાહેરાત કરી કે, મૃતકોના પરિવારોને પ્રધાનમંત્રી રાષ્ટ્રીય રાહત ભંડોળમાંથી ₹2 લાખની સહાય આપવામાં આવશે, જ્યારે ઘાયલોને ₹50,000 મળશે. ઉલ્લેખનીય છે કે મધ્યપ્રદેશના ઇન્દોરમાં આજે સવારે 4 વાગ્યે એક ઘરમાં ઇલેક્ટ્રિક કાર ચાર્જિંગ સિસ્ટમને કારણે થયેલા શોર્ટ સર્કિટ અકસ્માતમાં છ લોકો જીવતા બળી ગયા હતા અને ત્રણ અન્ય ગંભીર રીતે ઘાયલ થયા હતા.

હિન્દુસ્થાન સમાચાર / સુશીલ કુમાર / પવન કુમાર

હિન્દુસ્થાન સમાચાર / માધવી વ્યાસ