નવી દિલ્હી, 20 માર્ચ (હિ.સ.). ઇન્ડિયન પ્રીમિયર લીગ (આઈપીએલ) 2026 ની શરૂઆત પહેલા ઇજાગ્રસ્ત ખેલાડીઓની યાદી વધી રહી છે. આ સંદર્ભમાં, આઈપીએલ ની 19મી સીઝન પહેલા સનરાઇઝર્સ હૈદરાબાદને વધુ એક મોટો ઝટકો લાગ્યો છે. યુવા ઓસ્ટ્રેલિયન ઓલરાઉન્ડર જેક એડવર્ડ્સ પગની ઇજાને કારણે 2026 ની ઇન્ડિયન પ્રીમિયર લીગ (આઈપીએલ)માંથી બહાર થઈ ગયા છે.

ઈએસપીએનક્રિકઇન્ફો અનુસાર, 25 વર્ષીય એડવર્ડ્સને આઈપીએલ હરાજી દરમિયાન સનરાઇઝર્સ હૈદરાબાદ (એસઆરએચ) દ્વારા ₹3 કરોડમાં ખરીદવામાં આવ્યો હતો. તે 2025 ની હરાજીમાં કરાર કરાયેલ એકમાત્ર અનકેપ્ડ વિદેશી ખેલાડી હતો. એડવર્ડ્સે આ સિઝનમાં આઈપીએલમાં પ્રવેશ કર્યો હોત, પરંતુ હવે તેણે રાહ જોવી પડશે.

એડવર્ડ્સે, આ વર્ષે જાન્યુઆરીમાં પાકિસ્તાન સામે ઓસ્ટ્રેલિયા માટે ટી-20 આંતરરાષ્ટ્રીય ક્રિકેટમાં પ્રવેશ કર્યો હતો. આ ઓલરાઉન્ડરે અત્યાર સુધીમાં માત્ર એક જ આંતરરાષ્ટ્રીય મેચ રમી છે, જેમાં પાંચ રન બનાવ્યા છે. એડવર્ડ્સે બિગ બેશ લીગ (બીબીએલ) માં 63 મેચ રમી છે, જેમાં 696 રન બનાવ્યા છે અને 38 વિકેટ લીધી છે.

એડવર્ડ્સની ગેરહાજરી સનરાઇઝર્સ હૈદરાબાદ માટે બીજો ફટકો છે, કારણ કે તેમના નિયમિત કેપ્ટન પેટ કમિન્સ પહેલેથી જ ઈજામાંથી સ્વસ્થ થઈ રહ્યા છે, જેના કારણે તે શરૂઆતની કેટલીક મેચ રમી શકશે નહીં. ફ્રેન્ચાઇઝીએ કમિન્સની ગેરહાજરીમાં ભારતીય વિકેટકીપર-બેટ્સમેન ઇશાન કિશનને કેપ્ટન તરીકે નિયુક્ત કર્યા છે.

સનરાઇઝર્સ હૈદરાબાદ, 28 માર્ચે ટુર્નામેન્ટના ઓપનરમાં ડિફેન્ડિંગ ચેમ્પિયન રોયલ ચેલેન્જર્સ બેંગ્લોરનો સામનો કરશે.

હિન્દુસ્થાન સમાચાર / વીરેન્દ્ર સિંહ / સુનિત નિગમ

હિન્દુસ્થાન સમાચાર / માધવી વ્યાસ