નવી દિલ્હી, 24 માર્ચ (હિ.સ.) લોકો મલયાલમ સુપરસ્ટાર મોહનલાલની આગામી ફિલ્મ દ્રશ્યમ 3 ની આતુરતાથી રાહ જોઈ રહ્યા હતા. શરૂઆતમાં, તેની રિલીઝ તારીખ 2 એપ્રિલ નક્કી કરવામાં આવી હતી, પરંતુ કેટલાક સમયથી ફેરફારના અહેવાલો સામે આવી રહ્યા છે.

હવે, સુપરસ્ટારે પોતે આ અહેવાલોને સમર્થન આપ્યું છે. તેમણે પોસ્ટર રિલીઝ કરીને ફિલ્મની નવી રિલીઝ તારીખ જાહેર કરી. રસપ્રદ વાત એ છે કે, દ્રશ્યમ 3 માટે ખૂબ જ ખાસ દિવસ પસંદ કરવામાં આવ્યો છે.

દ્રશ્યમ 3 આ તારીખે સિનેમાઘરોમાં આવશે

મોહનલાલે સોશિયલ મીડિયા પર દ્રશ્યમ 3 ની નવી રિલીઝ તારીખની જાહેરાત કરી. પોસ્ટ અનુસાર, ફિલ્મ હવે 21 મેના રોજ રિલીઝ થશે, જે રાષ્ટ્રીય પુરસ્કાર વિજેતા અભિનેતાનો જન્મદિવસ પણ છે.

સુપરસ્ટારે પોસ્ટનું કેપ્શન આપ્યું, ભૂતકાળ ક્યારેય શાંત નથી... તે ફક્ત રાહ જુએ છે. જ્યોર્જકુટ્ટી આવી રહ્યો છે. 21 મે, 2026. દ્રશ્યમ 3 વિશ્વભરમાં રિલીઝ થશે. ફિલ્મના નવા પોસ્ટરમાં મોહનલાલ, જ્યોર્જકુટ્ટી તરીકે અતિ શાંત દેખાય છે.

દ્રશ્યમ 3 ની રિલીઝ તારીખમાં ફેરફારનું કારણ જાહેર કરવામાં આવ્યું નથી. થોડા દિવસો પહેલા, ટ્રેડ ટ્રેકર શ્રીધર પિલ્લાઈએ સૂત્રોને ટાંકીને અહેવાલ આપ્યો હતો કે, આ ફેરફાર ગલ્ફ દેશોની પરિસ્થિતિને કારણે હોઈ શકે છે. મલયાલમ સિનેમાનું ગલ્ફ દેશોમાં મોટું બજાર છે, અને નિર્માતાઓ કોઈપણ જોખમ લેવા માટે તૈયાર નથી. અગાઉ, યશ અભિનીત ટોક્સિક ની રિલીઝ તારીખ જૂન 2026 સુધી મુલતવી રાખવામાં આવી હતી.

હિન્દુસ્થાન સમાચાર / લોકેશ ચંદ્ર દુબે / રામાનુજ શર્મા

હિન્દુસ્થાન સમાચાર / ડો.હિતેશ એન.વ્યાસ