મેડ્રિડ, નવી દિલ્હી, 26 માર્ચ (હિ.સ.): બાર્સેલોના મહિલા ફૂટબોલ ટીમે, યુઈએફએ મહિલા ચેમ્પિયન્સ લીગ ક્વાર્ટર ફાઇનલના પહેલા તબક્કામાં તેમના કટ્ટર હરીફ, રિયલ મેડ્રિડને 6-2થી હરાવીને સેમિફાઇનલ તરફ એક મજબૂત પગલું ભર્યું. પ્રતિષ્ઠિત એલ ક્લાસિકો તરીકે રમાયેલી આ મેચ સંપૂર્ણપણે બાર્સેલોનાનું પ્રભુત્વ ધરાવતી હતી.

મેડ્રિડમાં રમાયેલી મેચમાં ઇવા પાજોરે બે ગોલ કર્યા, જ્યારે આઝમી બ્રુગટ્સ, આઇરીન પેરેડેસ, વિકી લોપેઝ અને એલેક્સિયા પુટેલાસે ટીમની જીતમાં ફાળો આપ્યો. લિન્ડા કૈસેડોએ રિયલ મેડ્રિડ માટે બંને ગોલ કર્યા, પરંતુ તે ટીમને હારથી બચાવી શકી નહીં.

બાર્સેલોનાએ મેચની શરૂઆતથી જ આક્રમક રમત રમી અને પહેલા હાફમાં 2-0ની લીડ મેળવી. જોકે, કૈઈસેડોએ 30મી મિનિટે ગોલ કરીને રિયલને મેચમાં પાછું લાવવાનો પ્રયાસ કર્યો. ત્યારબાદ બાર્સેલોનાએ સતત ગોલ કરીને સ્કોર 5-1 કર્યો અને મેચ પર સંપૂર્ણ નિયંત્રણ મેળવ્યું.

બીજા હાફમાં કૈઈસેડોએ બીજા ગોલ સાથે ખાધ ઘટાડી, પરંતુ પુટેલાસે આખરે 89મી મિનિટે પેનલ્ટીને ગોલમાં રૂપાંતરિત કરીને સ્કોર 6-2 કર્યો.

ત્રણ વખતની ચેમ્પિયન બાર્સેલોના સતત આઠમી વખત સેમિફાઇનલમાં પહોંચવાની ખૂબ નજીક છે. ટીમ છેલ્લા પાંચ સીઝનમાં ફાઇનલમાં પહોંચી છે, જોકે ગયા વર્ષે તે ફાઇનલમાં હારી ગઈ હતી.

હવે, સેમિફાઇનલમાં પહોંચવા માટે, રિયલ મેડ્રિડને, આવતા અઠવાડિયે બાર્સેલોનામાં બીજા તબક્કામાં મોટી વાપસી કરવી પડશે, જે સરળ લાગતું નથી.

હિન્દુસ્થાન સમાચાર / સુનિલ દુબે

હિન્દુસ્થાન સમાચાર / ડો.હિતેશ એન.વ્યાસ