મિયામી, નવી દિલ્હી, 27 માર્ચ (હિ.સ.): વિશ્વના નંબર 2 ઇટાલિયન ટેનિસ સ્ટાર યાનિક સિનરે, શાનદાર પ્રદર્શન કરીને મિયામી ઓપન 2026 ના સેમિફાઇનલમાં પ્રવેશ કર્યો. તેણે ગુરુવારે એકતરફી ક્વાર્ટરફાઇનલ મેચમાં યુનાઇટેડ સ્ટેટ્સના યજમાન ફ્રાન્સિસ ટિયાફોને 6-2, 6-2 થી હરાવ્યો.

સિનરે સમગ્ર મેચમાં પ્રભુત્વ મેળવ્યું અને ટિયાફોને વાપસી કરવાની કોઈ તક આપી નહીં. તેણે ફક્ત નવ સર્વિસ પોઇન્ટ ગુમાવ્યા અને ફક્ત 71 મિનિટમાં મેચ જીતી લીધી. આ સાથે સિનર, ચોથી વખત મિયામી ઓપનના અંતિમ ચારમાં પહોંચ્યો છે અને માસ્ટર્સ 1000 સ્તર પર સતત 30 સેટ જીતવાનો રેકોર્ડ પણ ધરાવે છે.

મેચ પછી સિનરે કહ્યું કે, શરૂઆતમાં લીડ લેવી મહત્વપૂર્ણ છે. તેમણે કહ્યું, જ્યારે તમને મેચની શરૂઆતમાં બ્રેક મળે છે, ત્યારે તમારો આત્મવિશ્વાસ વધે છે. હું આખી મેચ દરમિયાન શાંત રહેવાનો અને તકોનો લાભ લેવાનો પ્રયાસ કરું છું, જે આજે મારી જીતની ચાવી હતી.

સિનર હાલમાં ઉત્તમ ફોર્મમાં છે અને 'સનશાઇન ડબલ' (ઇન્ડિયન વેલ્સ અને મિયામી ઓપન બંને ટાઇટલ જીતવા) પૂર્ણ કરવાનો પ્રયાસ કરી રહ્યો છે. તે અગાઉ ઇન્ડિયન વેલ્સ ટાઇટલ જીતી ચૂક્યો છે.

સિનર હવે સેમિફાઇનલમાં જર્મનીના ત્રીજા ક્રમાંકિત એલેક્ઝાન્ડર જ્વેરેવ અથવા આર્જેન્ટિનાના 18મા ક્રમાંકિત ફ્રાન્સિસ્કો સેરુન્ડોલો સામે ટકરાશે.

હિન્દુસ્થાન સમાચાર / સુનિલ દુબે

હિન્દુસ્થાન સમાચાર / માધવી વ્યાસ