પીઢ અભિનેતા-નિર્માતા સંજય ખાનની પત્ની ઝરીન ખાનના મૃત્યુ અને હિન્દુ વિધિઓ અનુસાર તેમના અંતિમ સંસ્કાર અંગે સોશિયલ મીડિયા પર ચાલી રહેલી ચર્ચા વચ્ચે, તેમના પુત્ર અને અભિનેતા ઝાયેદ ખાને હવે પોતાનું મૌન તોડ્યું છે. ઝાયેદે ટ્રોલ્સનો જવાબ આપતા કહ્યું કે ધર્મ એ સંપૂર્ણપણે વ્યક્તિગત બાબત છે અને દરેકને તેમના વિશ્વાસના આધારે નિર્ણય લેવાનો અધિકાર છે.

એક મુલાકાતમાં, ઝાયેદ ખાને કહ્યું, અમારા માટે, ધર્મ એક વ્યક્તિગત બાબત છે. કોઈ પણ નક્કી કરી શકતું નથી કે કયો ધર્મ સાચો છે કે ખોટો. આવી વાતો કહેવું યોગ્ય નથી. પોતાના પરિવારને ધર્મનિરપેક્ષ ગણાવતા, તેમણે કહ્યું કે તેઓ હંમેશા માનતા આવ્યા છે કે શ્રદ્ધા એ વ્યક્તિગત પસંદગી છે, જેના પર અન્ય લોકોએ પ્રશ્ન ન ઉઠાવવો જોઈએ.

ઝાયેદે ભાવનાત્મક રીતે તેની માતાની છેલ્લી ઇચ્છાનું વર્ણન કરતા કહ્યું, મારી માતા 'સુંદર નદી'ના કિનારે બેઠી હતી. તે ક્ષણે, તેણીએ ફક્ત એટલું જ કહ્યું, 'જો હું ક્યારેય આ દુનિયા છોડીને જાઉં, તો હું ઈચ્છું છું કે મારી રાખ આ નદીમાં વિસર્જિત થાય. હું મુક્ત થવા માંગુ છું.'

નોંધનીય છે કે ઝરીન ખાનનું 7 નવેમ્બર, 2025 ના રોજ 81 વર્ષની વયે મુંબઈમાં અવસાન થયું હતું. હિન્દુ વિધિ અનુસાર કરવામાં આવેલા તેમના અંતિમ સંસ્કારથી સોશિયલ મીડિયા પર ચર્ચા શરૂ થઈ હતી અને ખાન પરિવારને ટ્રોલનો સામનો કરવો પડ્યો હતો. આ વિવાદ પર ઝાયેદ ખાનના નિવેદનથી હવે સ્પષ્ટ થઈ ગયું છે કે પરિવાર પોતાના નિર્ણય પર અડગ છે અને વ્યક્તિગત શ્રદ્ધાને સર્વોપરી માને છે.

હિન્દુસ્થાન સમાચાર/લોકેશ ચંદ્ર દુબે/ઉદય કુમાર સિંહ

હિન્દુસ્થાન સમાચાર / હર્ષ શાહ