ચેન્નાઈ, નવી દિલ્હી, 12 એપ્રિલ (હિ.સ.) ચેન્નાઈ સુપર કિંગ્સે, આખરે આઇ. પી. એલ. 2026માં પોતાનું ખાતું ખોલાવ્યું છે. ચેન્નાઈએ ચેપોક સ્ટેડિયમ ખાતે દિલ્હી કેપિટલ્સને 23 રનથી હરાવીને ટુર્નામેન્ટની તેમની પ્રથમ જીત નોંધાવી હતી. સુકાની ઋતુરાજ ગાયકવાડ માટે પણ આ જીત ખૂબ જ ખાસ હતી, કારણ કે તેને સતત ત્રણ હાર બાદ પ્રથમ સફળતા મળી હતી.

ચેન્નાઈએ પહેલા બેટિંગ કરતા 20 ઓવરમાં 212 રન બનાવ્યા હતા. ટીમ માટે સૌથી મોટી ઇનિંગ્સ સંજુ સેમસનની હતી, જેમણે મેચ માટે સૂર નક્કી કરવા માટે અણનમ 115 રન બનાવ્યા હતા. તેમના સિવાય યુવા બેટ્સમેન આયુષ મ્હાત્રેએ 59 રનની ભાગીદારી કરી હતી, જ્યારે શિવમ દુબેએ ઝડપી 20 રન બનાવીને ટીમને મજબૂત સ્થિતિમાં મૂકી હતી.

212 રનનો પીછો કરવા ઉતરેલી દિલ્હીની શરૂઆત સારી રહી હતી. પથુમ નિસાંકાએ 24 બોલમાં 41 રનની આક્રમક ઇનિંગ રમી હતી અને કેએલ રાહુલ સાથે પ્રથમ પાંચ ઓવરમાં 61 રનની ભાગીદારી કરી હતી.

જોકે, ત્યારબાદ ચેન્નાઈના બોલરોએ શાનદાર પુનરાગમન કર્યું અને થોડા જ રનમાં દિલ્હીની ચાર વિકેટ ઝડપીને મેચનો માર્ગ બદલી નાખ્યો હતો. ટ્રિસ્ટન સ્ટબ્સે 60 રનની અડધી સદી ફટકારીને મિડલ ઓર્ડરમાં સંઘર્ષ કર્યો, પરંતુ ટીમને જીત અપાવી શક્યા નહીં.

બોલિંગ વિભાગમાં જેમી ઓવરટને ચાર વિકેટ ઝડપી હતી, જ્યારે અંશુલ કંબોજે ત્રણ વિકેટ ઝડપી હતી. ઓવરટન દ્વારા સ્ટબ્સની મુખ્ય વિકેટ મેચનો વળાંક સાબિત થઈ હતી.

આ જીત સાથે ચેન્નાઈએ પોઈન્ટ ટેબલમાં બે નિર્ણાયક પોઈન્ટ ઉમેર્યા છે અને ટુર્નામેન્ટમાં પરત ફરવાનો સંકેત આપ્યો છે.

હિન્દુસ્થાન સમાચાર /આકાશ કુમાર રાય/પ્રભાત મિશ્રા

હિન્દુસ્થાન સમાચાર / માધવી વ્યાસ