નવી દિલ્હી, 20 એપ્રિલ (હિ.સ.) ટી-સીરીઝ અને બી આર સ્ટુડિયોઝની બહુપ્રતિક્ષિત કોમેડી ડ્રામા 'પતિ પત્ની ઔર વો ૨'નું ટીઝર રિલીઝ કરી દેવામાં આવ્યું છે. ટીઝરમાં હાસ્ય, ગૂંચવણ અને સંબંધોની મજેદાર ગડમથલની ઝલક જોવા મળે છે. આ ફિલ્મ ક્લાસિક 'પતિ પત્ની ઔર વો'ની વાર્તાને નવા અંદાજમાં રજૂ કરે છે, જેમાં આ વખતે વાર્તાને વધુ મનોરંજક બનાવવા માટે નવો વળાંક ઉમેરવામાં આવ્યો છે.

ટીઝરમાં આયુષ્માન ખુરાના પ્રજાપતિ પાંડેના પાત્રમાં જોવા મળી રહ્યો છે, જે એક સાથે ત્રણ મહિલાઓ વચ્ચે ફસાયેલો દેખાય છે. આ પાત્રોમાં સારા અલી ખાન, વામિકા ગબ્બી અને રકુલ પ્રીત સિંહ જોવા મળશે. વધતી જતી ગેરસમજો વચ્ચે વિજય રાજ એક પોલીસ અધિકારી તરીકે પ્રવેશ કરીને વાર્તામાં વધુ હાસ્ય ઉમેરે છે.

ફિલ્મનું નિર્દેશન મુદસ્સર અઝીઝે કર્યું છે, જ્યારે નિર્માણ ભૂષણ કુમાર, રેણુ રવિ ચોપરા અને કૃષ્ણ કુમારે કર્યું છે. નિર્માતાઓને આશા છે કે આ ફિલ્મ દર્શકોને પારિવારિક મનોરંજનની સાથે ભરપૂર કોમેડીનો ડોઝ આપશે. 'પતિ પત્ની ઔર વો ૨' 15 મેના રોજ સિનેમાઘરોમાં રિલીઝ થશે.

હિન્દુસ્થાન સમાચાર / લોકેશ ચંદ્ર દુબે / સુનીત નિગમ

હિન્દુસ્થાન સમાચાર / ડો.હિતેશ એન.વ્યાસ