નવી દિલ્હી, 21 એપ્રિલ (હિ.સ.). સ્થાનિક શેરબજારમાં આજે શરૂઆતી કારોબાર દરમિયાન તેજીનું વલણ જોવા મળી રહ્યું છે. આજના કારોબારની શરૂઆત મામૂલી વધારા સાથે થઈ હતી. બજાર ખુલ્યાની થોડી જ વારમાં ખરીદદારોએ જોર પકડ્યું, જેના કારણે સેન્સેક્સ અને નિફ્ટી બંને સૂચકાંકોની ગતિમાં તેજી આવી. સવારે 10 વાગ્યા સુધીના કારોબાર બાદ સેન્સેક્સ 0.63 ટકા અને નિફ્ટી 0.56 ટકાની મજબૂતી સાથે કારોબાર કરી રહ્યા હતા. આજે સવારે 10 વાગ્યા સુધીના કારોબાર બાદ સ્ટોક માર્કેટના દિગ્ગજ શેરોમાં નેસ્લે ઈન્ડિયા, એક્સિસ બેંક, એશિયન પેઈન્ટ્સ, અદાણી પોર્ટ્સ અને ટાટા કન્ઝ્યુમર પ્રોડક્ટ્સના શેર 1.68 ટકાથી લઈને 0.72 ટકાની મજબૂતી સાથે કારોબાર કરી રહ્યા હતા. બીજી તરફ, એસબીઆઈ લાઈફ ઈન્સ્યોરન્સ, એચડીએફસી લાઈફ, ડૉ. રેડ્ડીઝ લેબોરેટરીઝ, ઈન્ફોસિસ અને જિયો ફાઈનાન્શિયલના શેર 3.19 ટકાથી લઈને 0.50 ટકાના ઘટાડા સાથે કારોબાર કરતા જોવા મળ્યા હતા.

અત્યાર સુધીના કારોબારમાં સ્ટોક માર્કેટમાં 2,717 શેરોમાં સક્રિય ટ્રેડિંગ થઈ રહ્યું હતું. જેમાંથી 2,169 શેર નફો કમાઈને લીલા નિશાનમાં કારોબાર કરી રહ્યા હતા, જ્યારે 548 શેર નુકસાન સાથે લાલ નિશાનમાં કારોબાર કરી રહ્યા હતા. તેવી જ રીતે સેન્સેક્સમાં સામેલ 30 શેરોમાંથી 27 શેર ખરીદદારોના ટેકાથી લીલા નિશાનમાં રહ્યા હતા. બીજી તરફ ત્રણ શેર વેચવાલીના દબાણને કારણે લાલ નિશાનમાં કારોબાર કરી રહ્યા હતા. જ્યારે નિફ્ટીમાં સામેલ 50 શેરોમાંથી 42 શેર લીલા નિશાનમાં અને આઠ શેર લાલ નિશાનમાં કારોબાર કરતા જોવા મળ્યા હતા.

બીએસઈનો સેન્સેક્સ આજે 96.86 પોઈન્ટના વધારા સાથે 78,617.16 ના સ્તરે ખુલ્યો હતો. કારોબાર શરૂ થયાની થોડી જ વારમાં ખરીદદારોએ ખરીદી શરૂ કરી દીધી, જેનાથી આ સૂચકાંકની ગતિમાં તેજી આવી. જોકે વચ્ચે-વચ્ચે નફો બુક કરવાના ચક્કરમાં વેચવાલીના સામાન્ય આંચકા પણ આવતા રહ્યા. તેમ છતાં આ સૂચકાંકની ગતિ પર ખાસ અસર પડી નહીં. બજારમાં સતત ચાલી રહેલી લે-વેચ વચ્ચે સવારે 10 વાગ્યા સુધીના કારોબાર બાદ સેન્સેક્સ 492.27 પોઈન્ટની તેજી સાથે 79,012.57 ના સ્તરે કારોબાર કરી રહ્યો હતો.

સેન્સેક્સની જેમ જ એનએસઈના નિફ્ટીએ આજે 9.70 પોઈન્ટની મામૂલી મજબૂતી સાથે 24,374.55 ના સ્તરેથી કારોબારની શરૂઆત કરી હતી. બજાર ખુલતાની સાથે જ આ સૂચકાંક ગગડીને લાલ નિશાનમાં 24,354.90 સુધી પહોંચી ગયો હતો. ત્યારબાદ ખરીદદારોએ ખરીદી પર જોર આપ્યું, જેનાથી નિફ્ટીની ગતિમાં તેજી આવી. ખરીદીના ટેકાથી આ સૂચકાંક ઉછળીને 24,512.35 ના સ્તર સુધી પહોંચી ગયો હતો. ત્યારબાદ પ્રોફિટ બુકિંગના કારણે થયેલી વેચવાલીને લીધે તેની ગતિમાં થોડો ઘટાડો પણ આવ્યો હતો. બજારમાં સતત ચાલી રહેલી લે-વેચ વચ્ચે સવારે 10 વાગ્યા સુધીના કારોબાર બાદ નિફ્ટી 136.30 પોઈન્ટની તેજી સાથે 24,501.15 ના સ્તરે કારોબાર કરી રહ્યો હતો.

આ પહેલા ગત કારોબારી દિવસે સોમવારે સેન્સેક્સ 26.27 પોઈન્ટ એટલે કે 0.03 ટકાની મજબૂતી સાથે 78,520.30 ના સ્તરે બંધ થયો હતો. જ્યારે નિફ્ટી 11.30 પોઈન્ટ એટલે કે 0.05 ટકાના ઉછાળા સાથે 24,364.85 ના સ્તરે સોમવારના કારોબારનો અંત કર્યો હતો.

હિન્દુસ્થાન સમાચાર / યોગિતા પાઠક / મુકુંદ

હિન્દુસ્થાન સમાચાર / માધવી વ્યાસ