અમરેલી, 30 એપ્રિલ (હિ.સ.) : રાજુલા તાલુકાના મજાદર ગામ સ્થિત પ્રસિદ્ધ કાગધામ ખાતે કાગ પરિવાર દ્વારા આયોજિત લગ્ન પ્રસંગે આધ્યાત્મિક માહોલ સર્જાયો હતો. આ શુભ પ્રસંગે પ્રખ્યાત કથાકાર મોરારીબાપુ, પૂજ્ય ભક્તિ બાપુ તેમજ પ્રવીણ બાપુ હાજર રહ્યા હતા.

લગ્ન પ્રસંગ દરમિયાન પૂજ્ય સંતોએ પરિવારજનોને આશીર્વાદ આપ્યા અને નવદંપતીને સુખી દાંપત્ય જીવન માટે શુભેચ્છાઓ પાઠવી હતી. ખાસ કરીને બપોરના સમયે સૌએ એક સાથે ભોજન લીધું, જે પ્રસંગને વધુ યાદગાર બનાવી ગયો હતો. સંતોની સાદગી અને આત્મિયતાથી ઉપસ્થિત મહેમાનો પ્રભાવિત થયા હતા.

આ પ્રસંગે મોટી સંખ્યામાં ભક્તો અને આગેવાનો ઉપસ્થિત રહ્યા હતા, જેના કારણે સમગ્ર કાગધામમાં ભક્તિ અને આનંદનું અનોખું વાતાવરણ સર્જાયું હતું. સ્થાનિક લોકો માટે આ પ્રસંગ એક આધ્યાત્મિક મેળાવડો સમાન બની રહ્યો હતો.

કાગ પરિવાર દ્વારા આયોજિત આ લગ્ન પ્રસંગે પરંપરા અને આધ્યાત્મિકતાનું સુંદર સંકલન જોવા મળ્યું હતું, જે સૌ માટે યાદગાર બની રહ્યો છે.

---------------

હિન્દુસ્થાન સમાચાર / Gondaliya Abhishek Nandrambhai