નવી દિલ્હી, 12 જૂન (હિ.સ.) દેશના સ્થાનિક સરાફા બજારમાં આજે શરૂઆતના કારોબાર દરમિયાન સોનાના ભાવમાં ભારે ઘટાડાનો ટ્રેન્ડ જોવા મળ્યો છે. ભાવમાં આવેલી નબળાઈને કારણે ચેન્નઈ સિવાય દેશના અન્ય સરાફા બજારોમાં સોનું આજે પ્રતિ 10 ગ્રામ ₹2,950થી ₹3,220 સુધી સસ્તુ થયું છે. જ્યારે ચેન્નઈમાં સોનાના ભાવમાં પ્રતિ 10 ગ્રામ ₹3,000થી ₹3,270 સુધીનો ઘટાડો નોંધાયો છે. બીજી તરફ, સોનાની સરખામણીએ ચાંદીના ભાવમાં આજે કોઈ ફેરફાર થયો નથી.

ભાવમાં ઘટાડાને કારણે દેશના મોટા ભાગના સરાફા બજારોમાં 24 કેરેટ સોનું આજે પ્રતિ 10 ગ્રામ ₹1,45,630થી ₹1,47,270ની વચ્ચે વેપાર કરી રહ્યું છે. જ્યારે 22 કેરેટ સોનું પ્રતિ 10 ગ્રામ ₹1,33,490થી ₹1,34,990ની વચ્ચે વેચાઈ રહ્યું છે. ચાંદીના ભાવમાં કોઈ ફેરફાર ન થતાં આ કિંમતી ધાતુ આજે પણ દિલ્હી સરાફા બજારમાં પ્રતિ કિલોગ્રામ ₹2,49,900ના સ્તરે વેચાઈ રહી છે.

દિલ્હીમાં આજે 24 કેરેટ સોનું પ્રતિ 10 ગ્રામ ₹1,45,780ના સ્તરે વેપાર કરી રહ્યું છે, જ્યારે 22 કેરેટ સોનાની કિંમત પ્રતિ 10 ગ્રામ ₹1,33,640 નોંધાઈ છે. દેશની આર્થિક રાજધાની મુંબઈમાં 24 કેરેટ સોનું પ્રતિ 10 ગ્રામ ₹1,45,630 અને 22 કેરેટ સોનું પ્રતિ 10 ગ્રામ ₹1,33,490ના સ્તરે વેચાઈ રહ્યું છે. તેવી જ રીતે અમદાવાદમાં 24 કેરેટ સોનાની રિટેલ કિંમત પ્રતિ 10 ગ્રામ ₹1,45,680 અને 22 કેરેટ સોનાની કિંમત પ્રતિ 10 ગ્રામ ₹1,33,540 નોંધાઈ છે.

આ મુખ્ય શહેરો ઉપરાંત ચેન્નઈમાં 24 કેરેટ સોનું આજે પ્રતિ 10 ગ્રામ ₹1,47,270 અને 22 કેરેટ સોનું પ્રતિ 10 ગ્રામ ₹1,34,990ના ભાવે વેચાઈ રહ્યું છે. તેવી જ રીતે કોલકાતામાં 24 કેરેટ સોનું પ્રતિ 10 ગ્રામ ₹1,45,630 અને 22 કેરેટ સોનું પ્રતિ 10 ગ્રામ ₹1,33,490ના સ્તરે વેપાર કરી રહ્યું છે. ભોપાલમાં 24 કેરેટ સોનાની કિંમત પ્રતિ 10 ગ્રામ ₹1,45,680 છે, જ્યારે 22 કેરેટ સોનું પ્રતિ 10 ગ્રામ ₹1,33,540ના સ્તરે વેચાઈ રહ્યું છે.

જયપુરમાં 24 કેરેટ સોનું પ્રતિ 10 ગ્રામ ₹1,45,780 અને 22 કેરેટ સોનું પ્રતિ 10 ગ્રામ ₹1,33,640ના સ્તરે વેચાઈ રહ્યું છે. પટનામાં 24 કેરેટ સોનાની કિંમત પ્રતિ 10 ગ્રામ ₹1,45,680 છે, જ્યારે 22 કેરેટ સોનું પ્રતિ 10 ગ્રામ ₹1,33,540ના સ્તરે વેચાઈ રહ્યું છે. લખનૌના સરાફા બજારમાં 24 કેરેટ સોનું આજે પ્રતિ 10 ગ્રામ ₹1,45,780 અને 22 કેરેટ સોનું પ્રતિ 10 ગ્રામ ₹1,33,640ના સ્તરે વેચાઈ રહ્યું છે.

દેશના અન્ય રાજ્યોની જેમ કર્ણાટક, તેલંગાણા અને ઓડિશાના સરાફા બજારોમાં પણ આજે સોનાના ભાવમાં નબળાઈ નોંધાઈ છે. આ ત્રણેય રાજ્યોની રાજધાનીઓ બેંગલુરુ, હૈદરાબાદ અને ભુવનેશ્વરમાં 24 કેરેટ સોનું પ્રતિ 10 ગ્રામ ₹1,45,630ના સ્તરે વેપાર કરી રહ્યું છે. તેવી જ રીતે આ ત્રણેય શહેરોના સરાફા બજારોમાં 22 કેરેટ સોનું પ્રતિ 10 ગ્રામ ₹1,33,490ના સ્તરે વેચાઈ રહ્યું છે.

હિન્દુસ્થાન સમાચાર / યોગિતા પાઠક / સંજીવ પાશ

હિન્દુસ્થાન સમાચાર / માધવી વ્યાસ