જામનગર, 15 જૂન (હિ.સ.) જામનગર જિલ્લામાં જુગાર અને પ્રોહિબિશન સંબંધિત ગુનાઓને નેસ્તનાબૂદ કરવા માટે જિલ્લા પોલીસ દ્વારા સઘન અભિયાન ચલાવવામાં આવી રહ્યું છે. લોકલ ક્રાઇમ બ્રાન્ચ (એલ.સી.બી.) દ્વારા વધુ એક સફળ કાર્યવાહી હાથ ધરવામાં આવી છે.

રવિવારે એલ.સી.બી.ના પોલીસ ઇન્સ્પેક્ટર વી.બી. ચૌધરીના માર્ગદર્શન હેઠળ સ્ટાફ પેટ્રોલિંગમાં હતો ત્યારે અજય વીરડા, સુમિત શિયાર, ભયપાલસિંહ જાડેજા અને ક્રિપાલસિંહ જાડેજાને ખાનગી બાતમી મળી હતી કે જોડીયા તાલુકાના બાલાચડી ગામની સીમમાં આવેલી ગંભીરસિંહ વાઘેલાની વાડીમાં કેટલાક લોકો ગંજીપત્તાના પાનાં વડે તીનપત્તી રોન નામનો પૈસાની હારજીતનો જુગાર રમી રહ્યા છે.બાતમીના આધારે એલ.સી.બી.ની ટીમે સ્થળ પર દરોડો પાડી છ શખ્સો નાજીમ કમાલુદ્દીનભાઈ ધમાણી, રહે. લંઘાવાડનો ઢાળીયો, કુલસુમ એપાર્ટમેન્ટ, જામનગર દિનેશ આસરિયાભાઈ માવ, રહે. ડી-પ્લોટ-58, પાણીના ટાંકા પાસે, જામનગરને જુગાર રમતા રંગેહાથ ઝડપી પાડ્યા હતા. પોલીસને સ્થળ પરથી રોકડ રૂ. 63,500 પાંચ મોબાઇલ ફોન કિંમત રૂ. 25,000, ગંજીપત્તાના ૫૨ પાનાં તથા કાર કિંમત રૂ. 10 લાખ મળી કુલ રૂ. 10,88,500નો મુદ્દામાલ કબજે કર્યો હતો.આ અંગે એલ.સી.બી.ના પોલીસ કોન્સ્ટેબલ ભયપાલસિંહ જાડેજાની ફરિયાદના આધારે પોલીસ હેડ કોન્સ્ટેબલ સુમિત શિયારે જુગાર ધારા હેઠળ ગુનો નોંધી કાયદેસરની કાર્યવાહી હાથ ધરી છે.

હિન્દુસ્થાન સમાચાર / Dhaval Nilesh bhai bhatt