નવી દિલ્હી, 16 જૂન (હિ.સ.) પોલીસ ભરતી પરીક્ષાના બીજા તબક્કામાં ભાગ લેનારા અભ્યર્થીઓની સુવિધા માટે પૂર્વ મધ્ય રેલવેએ 16 અને 17 જૂને 30થી વધુ પરીક્ષા સ્પેશિયલ ટ્રેનોના સંચાલનની વ્યવસ્થા કરી છે. રેલવે અનુસાર પરીક્ષા કેન્દ્રો સુધી અભ્યર્થીઓની સરળ અવરજવર સુનિશ્ચિત કરવા માટે વિવિધ મહત્વપૂર્ણ રેલખંડો પર વિશેષ ટ્રેનોનું સંચાલન કરવામાં આવી રહ્યું છે.

રેલવેએ જણાવ્યું કે, અગાઉ 14 જૂને યોજાયેલી પોલીસ ભરતી પરીક્ષા દરમિયાન પણ અભ્યર્થીઓની સુવિધા માટે કુલ 19 પરીક્ષા સ્પેશિયલ ટ્રેનો ચલાવવામાં આવી હતી, જેમાં દાનાપુર મંડળ દ્વારા 12 અને સમસ્તીપુર મંડળ દ્વારા 7 વિશેષ ટ્રેનોનું સંચાલન કરવામાં આવ્યું હતું.

બીજા તબક્કા માટે ચલાવવામાં આવી રહેલી વિશેષ ટ્રેનોમાં પાટલિપુત્ર–કિશનગંજ, પટના–નરકટિયાગંજ, પાટલિપુત્ર–અરરિયા, પાટલિપુત્ર–નૌગછિયા, પટના–ભભુઆ, પટના–ગયા, બક્સર–પટના, બક્સર–દાનાપુર, કીઉલ–ગયા, ગયા–કીઉલ, બખ્તિયારપુર–રાજગીર, રાજગીર–બખ્તિયારપુર, બેતિયા–હાજીપુર, સમસ્તીપુર–સીવાન, સહરસા–હાજીપુર તથા અન્ય મુખ્ય માર્ગો સામેલ છે.

પૂર્વ મધ્ય રેલવેએ અભ્યર્થીઓને અપીલ કરી છે કે, તેઓ પરીક્ષા કેન્દ્રો સુધી પહોંચવા માટે આ પરીક્ષા સ્પેશિયલ ટ્રેનોનો વધુમાં વધુ લાભ લે.

હિન્દુસ્થાન સમાચાર / સુશીલ કુમાર / પવન કુમાર

હિન્દુસ્થાન સમાચાર / ડો.હિતેશ એન.વ્યાસ