નવી દિલ્હી, 17 જૂન (હિ.સ.) બોલિવૂડની 'ધક-ધક ગર્લ' માધુરી દીક્ષિતે તેની ઉંમર અને બદલાતા દેખાવને કારણે, ટ્રોલ થવા અંગે ખુલીને વાત કરી છે. એક વાતચીત દરમિયાન તેમણે કહ્યું હતું કે, ઉંમરની સાથે શરીર અને ચહેરામાં ફેરફાર થવો એ એક સ્વાભાવિક પ્રક્રિયા છે, પરંતુ લોકોની ટિપ્પણીઓને કારણે તેઓ તેમને ગમતી વસ્તુઓ કરવાનું બંધ નહીં કરે. માધુરીએ કહ્યું કે, માણસે એવું કરવું જોઈએ જેનાથી તેમને ખુશી મળે અને તે પોતાની રીતે જીવન જીવવાનું પસંદ કરે.

માધુરીએ સ્વીકાર્યું હતું કે, તે કેટલીકવાર ટ્રોલો વિશે ખરાબ અનુભવે છે, પરંતુ તે તેમને તેના પર હાવી થવા દેતી નથી. તેમણે કહ્યું કે, નૃત્ય તેમના જીવનનો એક મહત્વપૂર્ણ ભાગ છે અને તે તેમની સૌથી મોટી કસરત પણ છે, જે તેમને તંદુરસ્ત અને ઉર્જાવાન રાખે છે. તેઓ માને છે કે જીવન પોતાના સુખ અનુસાર જીવવું જોઈએ, સમાજના દૃષ્ટિકોણ અનુસાર નહીં.

પોતાની આગામી ફિલ્મ 'મા બેહેન ના સંદર્ભમાં, માધુરીએ સમાજમાં માતાની આદર્શ છબી પર પણ સવાલ ઉઠાવ્યા હતા. તેમણે કહ્યું કે માતાને ઘણીવાર એટલી આદર્શ બનાવવામાં આવે છે કે તેણી હંમેશાં સંપૂર્ણ હોવાની અપેક્ષા રાખવામાં આવે છે, જ્યારે કે તે એક માણસ પણ છે અને તેને આરામ અને સંભાળની જરૂર છે. તે જ સમયે, તેમણે કલાકારોની નવી પેઢીની પ્રશંસા કરી અને કહ્યું કે, આજના યુવા કલાકારો સંપૂર્ણ તૈયારી સાથે કામ કરે છે. માધુરીએ તૃપ્તિ ડિમરી અને ધારણા દુર્ગા જેવા કલાકારોની પ્રશંસા કરતી વખતે નવી પેઢી પર ગર્વ પણ વ્યક્ત કર્યો હતો.

હિન્દુસ્થાન સમાચાર/લોકેશ ચંદ્ર દુબે/સુનીત નિગમ

હિન્દુસ્થાન સમાચાર / માધવી વ્યાસ