બોસ્ટન, નવી દિલ્હી, 17 જૂન (હિ.સ.) સ્ટાર સ્ટ્રાઇકર એર્લિંગ હાલાન્ડના શાનદાર બે ગોલની મદદથી નોર્વેએ, ફિફા વર્લ્ડ કપ 2026ના ગ્રુપ-આઈ મુકાબલામાં મંગળવારે ઈરાકને 4-1થી હરાવીને ટુર્નામેન્ટમાં વિજયી શરૂઆત કરી.

28 વર્ષ બાદ વર્લ્ડ કપમાં પરત ફરેલી નોર્વેની ટીમે, દમદાર પ્રદર્શન કરતાં પૂર્ણ અંક પોતાના નામે કર્યા. મુકાબલામાં નોર્વેએ 29મા મિનિટમાં લીડ મેળવી, જ્યારે હાલાન્ડે પહેલો ગોલ કરીને ટીમને 1-0થી આગળ કરી દીધી.

તેમ છતાં ઈરાકે હાર માની નહોતી અને 39મા મિનિટમાં અયમાન હુસૈને ગોલ કરીને સ્કોર 1-1થી બરાબર કર્યો. પરંતુ આ બરાબરી વધુ સમય ટકી ન હતી. પહેલા હાફના અંતથી ઠીક પહેલાં ઈરાકની રક્ષણપંક્તિની એક મોટી ભૂલનો લાભ લેતા હાલાન્ડે ખોટા બેકપાસ પર ઝડપ બતાવી બોલને જાળમાં પહોંચાડ્યો અને નોર્વેને ફરીથી આગળ કરી દીધી.

બીજા હાફમાં નોર્વેએ, રમત પર પકડ મજબૂત જાળવી રાખી. 76મા મિનિટમાં લિઓ ઓસ્ટિગાર્ડે કોર્નર પર શાનદાર હેડર સાથે ટીમનો ત્રીજો ગોલ કર્યો. ત્યારબાદ વધારાના સમયમાં ઈરાકના ખેલાડી અયમાનના આત્મઘાતી ગોલે નોર્વેની જીત પર મોહર મારી દીધી અને મુકાબલો 4-1થી સમાપ્ત થયો.

આ જીત સાથે નોર્વેએ, વધુ સારા ગોલ અંતરના આધાર પર ગ્રુપ-આઈમાં ફ્રાન્સને પાછળ છોડીને ટોચનું સ્થાન મેળવી લીધું. બીજી તરફ, ઈરાકે આગામી મુકાબલામાં વાપસી માટે વધુ સારું પ્રદર્શન કરવું પડશે.

હિન્દુસ્થાન સમાચાર / સુનીલ દુબે

હિન્દુસ્થાન સમાચાર / માધવી વ્યાસ