નવી દિલ્હી, 02 જૂન (હિ.સ.). વડાપ્રધાન નરેન્દ્ર મોદીએ, આજે સવારે તેમના એક્સ હેન્ડલ પર કહ્યું કે, દ્રઢ નિશ્ચય અને આત્મસંયમ એ શક્તિ છે, જે અઘરામાં અઘરા રસ્તાને પણ સરળ બનાવી દે છે. આજે આપણા યુવા સાથીઓ આ જ સંકલ્પ સાથે રાષ્ટ્ર નિર્માણમાં સતત જોડાયેલા છે.

તેમણે આ સંદેશ સાથે સુભાષિતમ્ પણ શેર કર્યું-

निश्चित्य यः प्रक्रमते नान्तर्वसति कर्मणः। अबन्ध्यकालो वश्यात्मा स वै पण्डित उच्यते॥

આ શ્લોક મહાત્મા વિદુર રચિત 'વિદુર નીતિ' (મહાભારતના ઉદ્યોગ પર્વ) માંથી લેવામાં આવ્યો છે. આ સુભાષિતમ્ માં જીવનની સફળતા, બુદ્ધિ અને કાર્યપ્રણાલીનો સાર સમાયેલો છે. આનાથી શીખ મળે છે કે, સફળતા માટે દ્રઢ સંકલ્પ, નિરંતરતા, સમયની પાબંદી અને આત્મનિયંત્રણ અત્યંત આવશ્યક છે.

હિન્દુસ્થાન સમાચાર / મુકુંદ

હિન્દુસ્થાન સમાચાર / ડો.હિતેશ એન.વ્યાસ