નવી દિલ્હી, 3 જૂન (હિ.સ): પશ્ચિમ એશિયામાં ચાલી રહેલા સંકટ અને વૈશ્વિક ઇંધણના ભાવમાં વધારા વચ્ચે, કેન્દ્રીય મંત્રીમંડળે ભારતીય એરલાઇન્સ માટે ₹10,000 કરોડના એટીએફ ભાવ સ્થિરીકરણ ભંડોળને મંજૂરી આપી છે. તેનો મુખ્ય ઉદ્દેશ્ય એરલાઇન્સ અને મુસાફરોને ઇંધણના ભાવમાં નોંધપાત્ર આંચકાથી બચાવવાનો છે.

માહિતી અને પ્રસારણ મંત્રી અશ્વિની વૈષ્ણવે બુધવારે અહીં એક પત્રકાર પરિષદમાં જણાવ્યું હતું કે, વડા પ્રધાન નરેન્દ્ર મોદીની અધ્યક્ષતામાં કેન્દ્રીય મંત્રીમંડળે ઓઇલ માર્કેટિંગ કંપનીઓ (ઓએમસી) ને તેમના સ્થાનિક અને આંતરરાષ્ટ્રીય કામગીરી માટે શેડ્યૂલ કરેલ ભારતીય એરલાઇન્સ માટે એવિએશન ટર્બાઇન ફ્યુઅલ (એટીએફ) મુલ્ય સ્થિર કરવામાં મદદ કરવા માટે ₹10,000 કરોડથી વધુની એક વખતની બજેટરી સહાયને મંજૂરી આપી છે.

વૈષ્ણવે જણાવ્યું હતું કે, આ બજેટરી સહાય પેટ્રોલિયમ અને કુદરતી ગેસ મંત્રાલયના ગ્રાન્ટ માટેની માંગ દ્વારા ઓઇલ માર્કેટિંગ કંપનીઓ (ઓએમસી) ને વ્યાજમુક્ત એડવાન્સ તરીકે પૂરી પાડવામાં આવશે. પશ્ચિમ એશિયા કટોકટીને કારણે ઇંધણના ભાવમાં નોંધપાત્ર અસ્થિરતાના વર્તમાન સમયગાળા દરમિયાન એરલાઇન્સ માટે સ્થિર એટીએફ ભાવ જાળવવામાં મદદ કરવા માટે ઓએમસી ને આ સહાય પૂરી પાડવામાં આવી રહી છે.

હિન્દુસ્થાન સમાચાર / પ્રજેશ શંકર / પવન કુમાર

હિન્દુસ્થાન સમાચાર / ડો.હિતેશ એન.વ્યાસ