નવી દિલ્હી, 3 જૂન (હિ.સ): પશ્ચિમ એશિયાઈ સંઘર્ષને કારણે પેટ્રોલિયમ ઉત્પાદનો બચાવવા માટે વડા પ્રધાન નરેન્દ્ર મોદીની અપીલ બાદ બુધવારે કેન્દ્રીય કૃષિ અને ખેડૂત કલ્યાણ મંત્રી શિવરાજ સિંહ ચૌહાણ, કેન્દ્રીય જળ શક્તિ મંત્રી સીઆર પાટીલ અને કેન્દ્રીય કોલસા અને ખાણકામ મંત્રી જી કિશન રેડ્ડી એક જ કાર (કારપુલિંગ) માં કેબિનેટ બેઠકમાં પહોંચ્યા.

કેન્દ્રીય મંત્રી શિવરાજ સિંહ ચૌહાણે પત્રકારો સાથે વાત કરતા કહ્યું કે, સીઆર પાટીલ, જી કિશન રેડ્ડી અને તેમણે કારપૂલિંગ દ્વારા મુસાફરી કરી. વડા પ્રધાન નરેન્દ્ર મોદીએ, સમગ્ર રાષ્ટ્રને બિનજરૂરી પેટ્રોલ અને ડીઝલનો વપરાશ ઘટાડવા હાકલ કરી છે, અને આનો દેશવ્યાપી અમલ થઈ રહ્યો છે. કેબિનેટ સાથીદાર તરીકે, તેમણે કારપૂલિંગ કરવાનો પણ નિર્ણય લીધો.

ચૌહાણે કહ્યું કે, વર્તમાન પરિસ્થિતિઓમાં, બિનજરૂરી પેટ્રોલ અને ડીઝલનો વપરાશ ઘટાડવો જરૂરી છે. જાહેર પરિવહનનો શક્ય તેટલો વધુ ઉપયોગ કરવો જોઈએ અને ઉર્જા બચતના પગલાં અપનાવવા જોઈએ.

હિન્દુસ્થાન સમાચાર / પ્રશાંત શેખર / અનુપ શર્મા

હિન્દુસ્થાન સમાચાર / માધવી વ્યાસ