ભાવનગર, 03 જૂન (હિ.સ.) : શહેરના સર્વાંગી વિકાસ અને નાગરિક સુવિધાઓને વધુ સુદૃઢ બનાવવા માટે ચાલી રહેલા ગઢેચી રિવર પ્રોજેક્ટના કામોની સમીક્ષા કરવા કમિશનર, મેયર, ડેપ્યુટી મેયર, સ્ટેન્ડિંગ કમિટીના ચેરમેન, દંડક તેમજ સંબંધિત વિભાગના અધિકારીઓ દ્વારા સ્થળ મુલાકાત લેવામાં આવી હતી. આ મુલાકાત દરમિયાન પ્રોજેક્ટ હેઠળ ચાલી રહેલા વિવિધ વિકાસ કાર્યોનું નિરીક્ષણ કરવામાં આવ્યું હતું અને કામગીરીની પ્રગતિ અંગે વિગતવાર માહિતી મેળવી હતી.

અધિકારીઓ અને પદાધિકારીઓએ પ્રોજેક્ટના વિવિધ ભાગોની મુલાકાત લઈ કામગીરીની ગુણવત્તા, ગતિ અને સમયમર્યાદા અંગે સમીક્ષા કરી હતી. ગઢેચી રિવર પ્રોજેક્ટ શહેરના વિકાસ માટે મહત્વપૂર્ણ સાબિત થવાનો હોવાથી કામોમાં કોઈપણ પ્રકારની બેદરકારી ન રહે તે માટે સંબંધિત અધિકારીઓને જરૂરી માર્ગદર્શન આપવામાં આવ્યું હતું. સાથે જ પ્રોજેક્ટના તમામ કામો નક્કી કરાયેલા ધોરણો મુજબ અને સમયસર પૂર્ણ થાય તે માટે ખાસ સૂચનાઓ પણ આપવામાં આવી હતી.

મુલાકાત દરમિયાન નદી વિસ્તારના સૌંદર્યીકરણ, સ્વચ્છતા, પર્યાવરણ જાળવણી તેમજ નાગરિકોને વધુ સારી સુવિધાઓ ઉપલબ્ધ કરાવવા અંગે ચર્ચા કરવામાં આવી હતી. પ્રોજેક્ટ પૂર્ણ થયા બાદ શહેરને એક સુંદર અને સુવ્યવસ્થિત જાહેર સ્થળ મળશે, જે નાગરિકો માટે આકર્ષણનું કેન્દ્ર બનશે તેમજ પર્યટનને પણ પ્રોત્સાહન આપશે. પદાધિકારીઓએ સ્થળ પર હાજર અધિકારીઓને વિવિધ તકનીકી અને વહીવટી મુદ્દાઓ અંગે જરૂરી સૂચનો આપ્યા હતા. ઉપરાંત કામની નિયમિત દેખરેખ રાખી ગુણવત્તાયુક્ત કામગીરી સુનિશ્ચિત કરવા પર ભાર મૂકવામાં આવ્યો હતો.

ગઢેચી રિવર પ્રોજેક્ટ શહેરના વિકાસમાં મહત્વની ભૂમિકા ભજવશે તેવી આશા વ્યક્ત કરવામાં આવી હતી. સ્થળ મુલાકાત દરમિયાન પ્રોજેક્ટની કામગીરીને વધુ અસરકારક અને ઝડપી બનાવવા માટે જરૂરી માર્ગદર્શન આપવામાં આવ્યું હતું, જેથી નાગરિકોને આ યોજનાનો લાભ વહેલી તકે મળી શકે.

---------------

હિન્દુસ્થાન સમાચાર / DISHANT NANDRAMBHAI GONADLIYA